Tirana-Laçi 0-1/ Flasin dy trajnerët, Egbo, i pa shqetësuar, Cungu, i kënaqur

113 563 lexime

106,048FansaPëlqeje

Egbo-n nuk e shqetëson rezultati, Cungu: Paraqitja jonë më e mirë deri tani.

Skuadra e tij është mundur 0-1 në miqësoren e së shtunës me Laçin, por humbja nuk e shqetëson trajnerin e Tiranës, Emanuel Egbo.

“Miqësoret nuk kanë rezultatin parësor, bëhen për të mbajtur skuadrën të karikuar dhe për të parë nga afër gjendjen e lojtarëve, grupit që kemi, – ka thënë ai. – Këtë kemi parë në këtë ndeshje dhe e dimë ku çalojmë dhe ku jemi.”

“Shpresojmë të nisë kampionati sa më shpejt, – ka vijuar nigeriani. – Ajo do t’u japë lojtarëve tonin për t’u futur në ritmin e lojës.”

Kurse homologu i tij, trajneri i kurbinasve, Armando Cungu, ka mbetur mjaft i kënaqur nga ajo që dhanë lojtarët e tij.

“Kjo ka qenë paraqitja jonë më e mirë deri më tani në këto miqësore, – tha ai. – Në përgjithësi, bëmë një paraqitje solide, duke e nisur shumë mirë ndeshjen dhe duke e ruajtur përqendrimin deri në fund.”

Trajneri bardhe blu pret ende përshtatjen e 4 lojtarëve të ardhur së fundmi në skuadër.

““Nuk presim të jenë gati direkt, që të jenë direkt në nivelin e lojtarëve të tjerë, – ka deklaruar Egboja. – U duhet kohë të mësohen me mënyrën e lojës dhe strategjinë që përdorim. Çdo gjë vjen në kohën e vet. Kanë ende punë për të bërë dhe për të kapur nivelin e tyre maksimal”.

Kurse Cungu e ngre edhe më lart nivelin e kërkesës nga lojtarët e tij.

“Fituam një miqësore të dobishme, por besoj që kemi ende punë për të bërë në disa sektorë të lojës, por besoj që tani jemi gati për nisjen e sezonit të ri”, – ka përfunduar trajneri shkodran i Laçit, Armand Cungu.

Lexo edhe :  TOKIO 2020/ Me flamurin kombëtar, 9 sportistët shqiptarë parakalojnë në Lojrat Olimpike

Ndeshja miqësore e zhvilluar të shtunën në Stadiumin “Selman Stërmasi” të kryeqytetit u vendos nga një gol i kurbinasve, i shënuar në pjesën e dytë nga Ardit Deliu.


Të fundit

Deklarata/ Ambasada Britanike: Të hetohen shit-blerja e votës dhe të dhënat personale

Ambasada britanike në Tiranë thotë se palët politike në Shqipëri duhet të marrin në konsideratë të gjitha rekomandimet në...

Shtatori në Parlament? Basha do zgjedhë të dalë edhe në shesh

Kryedemokrati Lulzim Basha ka dhënë sinjale se në muajin shtator, kur fillon edhe jeta parlamentare, mund të zhvillojë protesta duke “mbërthyer” sheshet. Edhe pse...

Raporti i OSBE/ODIHR, PS dhe PD ngrejnë “flamurin” e fitores

Partia Demokratike dhe ajo Socialiste kanë komentuar raportin e OSBE/ODIHR. Secila palë e ka lexuar në “pasqyrën” e saj rekomandimet që janë dhënë. Për...

Lajme të tjera

Web TV