Milani dhe Roma janë ndalur në barazim 3-3 në supersfidën e sotme në Serie A. Kjo sfidë nisi menjëherë me një gabim të Kumbullës në mbrojtje, i cili nuk u pozicionua mirë duke lejuar Ibrahimovic të shënontë për milanin që në minutën e 2’-të.
Një dalje e gabuar e Tatarusanu lejoi Romën të barazonte në minutën e 14’ me Edin Dzeko. Pjesa e parë u mbyll me këto shifra ndërkohë që në të dytën Saelemaekers kaloi menjëherë në avantazh kuqezinjtë në minutën e 47’.
Roma barazaoi me Veretout me një 11-metërsh të dyshimtë ndërkohë që Milani u kthye sërish në avantazh me po të njëjtën mënyrë duke çuar shifrat në 3-2.
Por në minutën e 84’ kuqezinjve u ngriu buzëqeshja nga një kuqezi shqiptar. Marash Kumbulla realizoi për Romën pas një goditje këndi duke shtyrë topin në rrjetë e duke shlyer kështu gabimin e tij në fillim të sfidës.
Sfida u mbyll në barazim 3-3 ndërkohë që Kumbulla shënon golin e dytë për Romën brenda harkut kohor të 5 ditëve.
Pa.Va/Fjala.al
