Presidenti Ilir Meta ka reaguar sërish pas rrëzimit të dekretit të tij në Kuvend për kthimin e Kodit Zgjedhor duke e cilësuar si një hap drejt bllokimit të integrimit.
“Precedenti i parë ishte ai i vitit 2008 i cili i dha goditje në zemër sistemi parlamentar e na çoi këtu në demokracinë e kryetarëve të oligarkëve. Kjo është arsyeja pse dje deputetët refuzuan kërkesën e BE dhe votuan ndryshimet. Rasti më i fundit i shkeljes së kushtetutës cënoi ndryshimet e kushtetutës që u ndërmorën gjatë imponimit të masave kundër pandemisë. Prej 20 muajsh kemi një parlament monopartiak.
S’kemi gjykatë kushtetuese dhe e keni parë se kujt i intereson kjo. Kur të drejtat e liritë themelore të popullit nuk respektohen nga vetë ata që kanë zgjedhur. Nuk kemi kuadër ligjor për ta bërë të aplikueshëm referendumin edhe pse është detyrim kushtetues. Çmendet i gjithë procesi ligjvënës sikur po ndodh këto ditë.
41 ligje ka kthyer presidenti në Kuvend për rishqyrtim. Antikushtetushmërie. Çfarë mund të ketë ndodhur me marrëveshje ndërkombëtare me aktet e këshillit të ministrave. Çfarë po ndodh përditë me veprimet e paligjshme të policisë dhe shtetit kur dhe si do të dëgjihet zëri i popullit. E pamundur të shprehësh me fjalë absudrin e kësaj situate. Prej kohësh biznesi i huaj dhe ai vendas ka frikë të investojë në Shqipëri. Vendimarrjet arbitrare. S’ka asnjë lloj llogaridhënieje, mekanizmat gati janë shuar prej 3 vitesh”, tha Meta.
Kujtojmë se Parlamenti rrëzoi të enjten dekretin e Presidentit Ilir Meta për Kodin Zgjedhor, pavarësisht edhe thirrjes së ndërkombëtarëve për të pritur opinionin e Komisionit të Venecias.
Pa.Va/Fjala.al