13 anëtarë të skuadrës ukrainase Dinamo e Kievit do mungojnë për shkak të infektimit me Covid-19 në ndeshjen kundër Barcelonës në ditën e tretë të fazës së grupeve të Ligës së Kampionëve.
Ukrainasit kanë qenë në gjendje të grumbullojnë vetëm 19 futbollistë për ndeshjen, pasi 9-të lojtarë kanë rezultuar pozitiv me Covid-19.
Mësohet se Dinamo e Kievit, përveç tre futbollistëve që ishin karantinuar tashmë, regjistroi edhe 6-të futbollistë të tjerë me Covid-19.
Trajneri i dytë dhe tre anëtarë të stafit stërvitor rezultuan gjithashtu pozitiv me Covid-19.
Të gjithë ata janë izoluar në shtëpitë e tyre, ndërsa gjendja shëndetësore ka qenë e qëndrueshme.
Dinamo e Kievit luan ndeshjen e Ligës së Kampionëve kundër Barcelonës me një skuadër të rrudhur për shkak të infektimeve me Covid-19, pikërisht ashtu siç ndodhi me një skuadër tjetër ukrainase Shakhtar Donetsk, para se të përballej me Real Madridin dy javë më parë.
Shakhtar Donetsk udhëtoi drejt Spanjës me mungesa të mëdha, pasi dhjetë lojtarë dolën pozitiv në skuadrën e tyre, por që çuditërisht arritën të mposhtin bardhezinjtë pas një 45 minutëshi të parë të shkëlqyeshëm me rezultatin (2-3)./Re.D/Fjala.al
