Kukësi, Gega: Kemi grup të mirë lojtarësh dhe presionin do ta përdorim në dobinë tonë

113 563 lexime

106,048FansaPëlqeje

Ka debutuar më herët në stolin e verilindorëve në turet eliminatore të Ligës së Evropë, por edhe para pak ditësh në Kupën e Shqipërisë, por, të mërkurën, Skënder Gega do të zhvillojë tani ndeshjen e parë si trajner i Kukësit në kampionat. Kategoria Superiore do të fillojë më në fund të mërkurën, teksa verilindorët do të përballen me kampionët e Tiranës, sfidë që do të luhet në stadiumin e Korçës. Në konferencën për shtyp të mbajtur para nisjes për të juglindje të vendit, trajneri tropojan foli rreth duelit me bardheblutë, gjendjes së ekipit të tij dhe objektivave të Kukësit për këtë sezon të ri.

“Tirana është ekipi kampion dhe një ekip historie, ata kanë vlerat e tyra, – ka deklaruar ai fillimisht. – Për ne është e rëndësishme të njohim njëri-tjetrin dhe veten tonë, kështu që shkojmë me ndjesi të mirë dhe objektiva të qarta. Ndryshime të mëdha janë bërë pas Kupave të Evropës, na ka shërbyer kjo periudhë pushimi. Ka disa lojtarë që nuk kanë luajtur dhe periudha e pushimit na ka shërbyer. Nga ana psikologjike dhe fizike jemi gati për sfidën e nesërme. Grupi që ishte një grup me kualitet dhe i vlerësuar. Do të kisha dëshirë të ishin këtu të gjithë, por janë zgjidhjet e tyre.”

“Grupi që ka ardhur na bën optimistë, është grup i mirë dhe cilësor, – ka vijuar ai. – Kanë përvojë dhe jemi munduar të bëjmë një ndërthurje midis atyre me një të kaluar shumë të mirë dhe lojtarëve me moshë të re. Është grup i mirë, edhe nga ana njerëzore. Do të na ndihmojnë të punojmë të qetë. Unë nuk kam ndryshuar, kam ndryshuar vetëm uniformën. Dua të marr më të mirën nga çdo futbollist. Gjithë ambienti shqiptar është i ngarkuar me presion. E kemi në gen, jemi emocionalë. Ka lloj lloj presionesh, por është presion i zanatit tonë. Duhet të jesh i gatshëm ta përballosh dhe të krijosh barazpeshë.”

“Objektivat janë të qarta, unë jam i qartë për veten time dhe me ekipin, – ka thënë ai. -Kur është qëllimi i mirë dhe ka bashkëpunim, presioni është i kuptueshëm. Stadiumi? Kukësi nuk ka dalë me humbje, personalisht nuk e shoh risk, është normale, do të jemi të barabartë në çdo stadium ku të luajmë. Në ndeshjet e shtëpisë duhet të marrim tre pikët, në ndeshjet jashtë duhet të japim e marrim maksimumin. Mendoj se të dy grupet kanë vlera dhe specifikat e ndryshme. Këta që kanë ardhur janë në të njëjtin nivel me ekipin që ishte vjet, edhe pse nuk janë shfaqur akoma.”

“Kemi besimin e plotë që kemi marrë njerëzit e duhur, – ka thënë ish-futbollisti i njohur. – Shpresoj që ky grup të mbajë po ato nivele, por edhe objektivat, që vjet nuk u arritën për arsye të ndryshme. Shpresoj që të bëjmë hapin e duhur. Kemi 23 lojtarë. Një pjesë e madhe janë të rinj, por kanë potencial të madh dhe do rriten shumë shpejt. Bytyçi është një nga ata, por ka edhe të tjerë. Shpresojmë të rriten shumë shpejt dhe të na ndihmojnë, pasi kampionati është shumë i gjatë.”

Natyrshëm, Gega është pyetur edhe për Partizanin, të cilin e shpalli “kampion” para dy sezonesh.

Lexo edhe :  Moto GP, Çabati i “Dukati”-t thumbon rivalët: Pa Mark Markezin “Honda” nuk fiton dot

“Partizani? Është diçka e kaluar, kam qenë me fat dhe ishte privilegj që isha pjesë e të kuqve, – është përgjigjur Gega, që e ka shijuar titullin me të kuqtë edhe si lojtar, edhe si trajner. – Partizani është identiteti im, aty jam rritur dha kam zhvilluar karrierën time. Do të bëj po aq shumë edhe për Kukësin. Jam profesionist, nuk mund të bëhem kukësian menjëherë, por për aq kohë sa jam këtu do të bëj maksimumin. Dua të justifikoj besimin dhe mbështetjen që më kanë dhënë këtu. Ky është profesionalizmi, por le t’ia lëmë kohës.”

Pa.Va/Fjala.al

Të fundit

Formula 1, Ekleston: Hemilton-“Mercedes”, shumë zhurmë për asgjë… thjesh “shou”

Ende nuk po ka “tym të bardhë” sa u përket lajmeve të shumëpritura për të apasionuarit e Formulës 1,...

Gjykata Evropiane gjobit Rumaninë për rastin e dy transgjinorëve

Rumania refuzoi t’iu njohë identitetin gjinorë dy personave transgjinorë me arsyetimin se ata nuk kishin bërë operacione për ndryshimin e gjinisë. Në lidhje me këtë...

Djarmati sqaron merkaton e Vllaznisë: Presim Gjinon, Sise na pëlqen, Dunga e Hoxhaj nuk ikin

Vllaznia kryeson renditjen e Superiores e shkëputur plot 9 pikë nga ndjekëset më të afërt dhe, natyrshëm, ka besim dhe entuziasëm në kampin shkodran...

Dinamo / Fabricio Mikoli: Kjo, një përvojë e re për mua, skuadra më pëlqen

Por si ish-futbollisti i Interit, ashtu edhe ndihmësi i tij, ish-futbollisti në të tjera i Juventusit dhe përfaqësueses axurre, duket se e kanë këtë...

Dinamo / Moriero: Ky, basti i jetës sime, suksesi arrihet me përunjësi

Françesko Moriero e pohon se Dinamo është basti i jetës së tij, për të ringjallur karrierën si trajner, teksa si futbollist mund të thuhet...

Lajme të tjera

Web TV