Trajneri Emanuel Egbo është shfaqur shumë i kënaqur për fitoren e Tiranës 2-0 ndaj Kukësit.
Duke folur për mediat pas ndeshjes së luajtur në Korçë, ai është shprehur se skuadra bëri ato që kishte kërkuar trajneri, teksa shprehet se nuk ishte i lumtur me atë që ekipi tregoi në fundin e pjesës së parë.
“Tani nuk janë më lojtarët e rinj, pasi ata kanë mbi një muaj e gjysmë këtu, – ka thënë ai. – Ata janë paraqitur shumë mirë sot, por edhe pjesa tjetër e ekipit luftuar për njëri-tjetrin, pikërisht si një ekip “kampion”.”
“Unë dua një ekip dhe jo lojtarë individuale dhe pikërisht këtë bëmë sot, – ka vijuar trajneri nigerian i kryeqytetasve. – Nga fundi i pjesës së parë, kur po fitonim 2-0 kaluam në eufori. Ata duhet ta menaxhojnë më mirë lojën. Futbolli ka treguar se nuk je kurrë i sigurtë, pasi edhe Milani në finale e kishte mbyllur 3-0 pjesën e parë, por u barazua në pjesën e dytë. Ngo? Nuk kemi humburi pikën e referimit. Kemi Derrikun këtu. Jam i bindur që do bëhet një lojtar i madh që do e duan shumë skuadra.”
“Është ende shumë herët për ta gjykuar, – ka theksuar kreu i stolit të 25-herë kampionëve të Shqipërisë. – E rëndësishme është që sot e fituam ndeshjen, të tjerat nuk më interesojmë. E zgjidhëm shumë shpejt ndeshjen. E dimë që duhet ta shfrytëzojmë çdo rast dhe lojtarët këtë bënë. Najdovski në mesfushë? Jam shumë i kënaqur, jo vetëm me të, por me të gjithë skuadrën. Nuk është vetëm ai që bëri mirë, por të gjithë.”
Pa.Va/Fjala.al
