Ish-ambasadori i Shqipërisë në SHBA, Agim Nesho, do jetë i ftuar sot në orën 18.30 në emisionin “HARD TALK NGA ROLAND QAFOKU” në FJALA TV.
Nesho, një nga diplomatët më të njohur të tranzicionit do të bëjë një analizë të detajuar të zgjedhjeve presidencial në Shtetet e Bashkuara të Amerikës.
Si ka qenë ecuria e tyre dhe nëse me rezultatet e deritanishme është duke fituar Joe Biden apo Donald Trump.
Dhe më e rëndësishme se kaq, çfarë avantazhe dhe disavantazhe do ketë kombi shqiptar nëse fiton Biden dhe nëse fiton Trump.
Si përfaqësues i Shqipërisë që ka shërbyer në New York në OKB dhe në Washington si ambasador në i Shqipërisë, Agim Nesho është një nga njohësit më të mirë të marrëdhënieve mes Shqipërisë dhe Shteteve të Bashkuara të Amerikës.
Nesho ka qenë jo vetëm aktiv gjatë kohës që ka shërbyer si diplomat në SHBA por është iniciator, negociues dhe pjesëmarrës në disa çështje të rëndësishme kombëtare veçanërisht të pavarësisë së Kosovës.
Këto dhe të tjera, ndiqni ambasadorin shqiptar Agim Nesho, sot LIVE në 18.30 në “FJALA TV” në live stream, facebook dhe youtube. Një “Hard Talk” që nuk duhet të humbisni.
la.mi/Fjala.al
