Ndërsa zgjedhjet në SHBA po paraqesin gradualisht rezultatin përfundimtar, një nga gjërat më konfuze është se media të ndryshme shfaqin rezultate të ndryshme për votat elektorale.
Presidenti në SHBA zgjidhet duke fituar të paktën 270 vota elektorale dhe jo nga votat popullore.
Për shkak se nuk është një sistem i centralizuar zgjedhor, është bërë e zakonshme që “tryezat e vendimeve” në televizione të ndryshme të deklarojnë fitues njërën palë, kur janë numëruar pjesa më e madhe e votave.
(Decision desk- Një tryezë vendimesh, ku një ekip ekspertësh të lajmeve, mblidhen për të analizuar të dhënat rreth rezultateve në ditën e zgjedhjeve)
The Guardian përdor si burim të dhënat e mbledhura e të analizuara nga agjencia e lajmeve Associated Press (AP).
Ekzistojnë një numër tryezash të tjera, duke përfshirë këtu dhe NBC, Fox News etj.
Në SHBA, kanalet zgjedhin të transmetojnë rezultatin nga tryezat e tyre, ose të presin që dy të tilla të konfirmojnë të njëjtin shtet.
Aktualisht, totali prej 264 votash elektorale që Joe Biden ka, përfshin dhe Arizonën ku numërimi nuk ka përfunduar ende.
Kjo pasi sipas AP, fitues rezulton demokrati Biden. Por për tryezat e tjera, jo.
Sipas AP, analizat e kryera mbi fletët e votimit për Arizonën, tregojnë se votat ende të panumëruara nuk mjaftojnë që Trump të tejkalojë ato të Biden.
Me afërsisht 80% të votave të numëruara, Biden ishte përpara me 5 pikë përqindje, me një epërsi prej 130,000 ndaj Trump, me rreth 2.6 milionë fletë votimi të numëruara.
Ekipi i Trump nuk pajtohet me këtë rezultat. Sipas tyre, përparësia e Biden aktualisht është rreth 68,000 vota në shtet, ose më pak se tre pikë përqindje, me 88% të votave të numëruara. /Re.D/Fjala.al