Një ngjarje e rëndë ka ndodhur në Rusinë jug-perëndimore, ku një ushtar 20-vjeçar, dyshohet se vrau tre persona të cilët ishin kolegët e tij. Ngjarja ka ndodhur në qytetin e Voronezh, dhe shkaqet janë ende të paqarta. Tre personat kishin shkuar ta takonin rreth orës 5, ndërkohë që ushtari 20-vjeçar, i identifikuar si Anton Makarov, ishte roje.
Mbi 100 agjentë të forcave speciale po e kërkojnë kudo në Rusinë jug-perëndimore. Ai i vrau ushtarët e tjerë në bazë ajrore. Sipas hetuesve, Makarov ka vrarë me thikë personin e parë, i ka marrë armën dhe me të ka ekzekutuar dy të tjerët, duke u arratisur pa lënë ende gjurmë.
Sipas personave që e njohin, Makarov nuk kishte asnjë problem me viktimat. /Mi.H/Fjala.al
