Këngëtarja e njohur shqiptare, Bleona Qereti e ka shprehur publikisht mbështetjen ndaj ish-presidentit të SHBA-ve Donald Trump. Madje ajo mori pjesë në fushatën e Trump-it në Miçigan.
Së fundmi ajo ka qenë në qendër të mediave shqiptare pasi ishte një ndër të vetmet shqiptare të famshme që kërkoi rinumërim të votave në zgjedhjet presidenciale në SHBA. E ftuar në emisionin PolitikOn, Bleona u shpreh se vazhdon ende të mbështesë Trumpin dhe se nuk heqë asnjë presje nga ato që ka thënë.
“Unë vazhdoj të mbështes Trumpin dhe nuk heq asnjë presje nga ajo që kam thënë. Ai do të mbetet si një ndër presidentët më të mirë që ka pasur Amerika ndonjëherë. Unë kam dhënë mbështetjen time, duke u bazuar dhe në cilësinë e jetës së fansave të mi në 4 vitet e kaluara. Nuk ka të bëjë me politikën. Zgjedhjet nuk janë zyrtarizuar akoma.
Nëse Biden më fton në ceremoninë e inaugurimit, me shumë respekt do ta refuzoja. Jam e lumtur që Kamala Herris është zv. Presidentja e parë femër në SHBA.”, u shpreh Bleona./r.g/fjala.al
