Infeksionet nga Covid mesatarisht 6 herë më të larta

113 563 lexime

124,178FansaPëlqeje

Një studim i bërë së fundmi nga Universiteti i Melburnit, tregon se në vendet e pasura, rastet reale të infektimeve me Covid mund të jenë mesatarisht 6 herë më të larta se ajo që deklarohet në rrugë zyrtare.

Ky fakt vlerësohet nga një analizë retrospektive, bazuar në numrin e vdekjeve që ndodhën deri në muajin gusht në Australi, Kanada, Shtetet e Bashkuara, Kore të Jugut dhe njëmbëdhjetë vende evropiane.

Midis këtyre vendeve bie në sy se Italia mund të kishte 17 herë më shumë shumë të infektuar krahasuar me shifrat zyrtare të autoriteteve italiane.

Studimi, i cili vë në fokus ngërçin e sistemeve të përcjelljes dhe diagnostikimit, është botuar në revistën Royal Society Open Science nga një ekip hulumtues australian i koordinuar nga Universiteti i Melburnit.

Dallimet e gjetura në sistemet e gjurmimit dhe testimit të vendeve të ndryshme, si dhe ndryshimet që kanë ndodhur brenda të njëjtave vende me kalimin e kohës, e bëjnë të vështirë vlerësimin e shkallës reale të infeksionit në bazë të rasteve të konfirmuara nga tamponët”, shkruajnë studiuesit.

Për të kapërcyer këtë problem, ne kemi vendosur të bëjmë një analizë në retrospektivë,nisur nga numri i vdekjeve ditore dhe duke u kthyer pas në kohë, pikërisht tek dita e infektimit. Me pak fjalë,ne analizuam sa njerëz vdiqën nga Covid në një vend dhe më pas u kthyem prapa për të parë se sa njerëz do të duhej të infektoheshin për të arritur atë numër të vdekjeve“, shpjegon studiuesi Steven Phipps.

Mesatarisht, infeksionet reale rezultojnë të jenë gjashtë herë më të larta se ato zyrtare, me ndryshime të konsiderueshme nga shteti në shtet.

Lexo edhe :  Shkencëtarët gjejnë një hormon që mund të jetë shkaktar i autizmit

Në Korenë e Jugut, për shembull, rastet reale do të ishin 2.6 herë më të larta se ato zyrtare, ndërsa në Itali ato do të ishin 17, 5 herë më shumë.

Studiuesit theksojnë se vlerësimi nuk është më i miri i mundshëm dhe metoda e analizës nuk mund të zëvendësojë modelet epidemiologjike të përdorura deri më tani.

Për të pasur vlerësime të sakta, është e nevojshme të sigurohet që grupmoshat e ndryshme përfaqësohen në mënyrë të barabartë midis të infektuarve, sepse rreziku i vdekjes nga Covid rritet me moshën dhe kjo mund të shtrembërojë rezultatet në vendet ku shumica e vdekjeve u regjstruan në shtëpitë e të moshuarve./Re.D/Fjala.al

Të fundit

Detaje të reja nga vrasja e Pëllumb Metës/ Arma u ble 1 ditë para krimit, tjetër person..

Rreth një muaj më parë, opinioni publik u shokua nga një ngjarje e rëndë e ndodhur në Shënavlash të...

Porositi ekzekutimin e ish-bashkëshortes, jepet pretenca për avokatin Alban Bengasi

Prokuroria ka kërkuar këtë të enjte 6 vite e 6 muaj burg për avokatin Alban Bengasi i cili akuzohet se ka porositur eliminimin e...

Gazetarja Anduena Llabani: Jam ngacmuar nga politikanë dhe personazhe të botës së krimit

Flirtet dhe ngacmimet në sferën politike, e kudo, kundrejt personazheve vajza dhe gra, kanë ndodhur dhe mesa duket ende vazhdojnë të bëhen nga persona...

“Listat e kandidatëve, në mars”, Basha gënjen sërish, nuk nxori asnjë emër

“Dhe brenda 31 marsit, 140 kandidatë për deputetë të Partisë Demokratike gati për procesin zgjedhor, në çdo moment”, zotohej Basha. Shumë ndoshta prisnin që të...

Arrestimi i ish-drejtorëve të Bashkisë/ SPAK me njoftim zyrtar, ja për çfarë akuzohen

Prokuroria e Posaçme kundër Korrupsionit dhe Krimit të Organizuar, mbi bazën e verifikimeve të kryera kryesisht, ka filluar hetimet lidhur me procedimin penal nr.75,...

Lajme të tjera

Web TV