Shkencëtarët në Australi janë shtangur kur kanë hasur një rast të çuditshëm ku fëmijët e prindërve të infektuar me Covid-19 kanë zhvilluar antitrupa jashtëzakonisht të efektshëm pa rezultuar asnjëherë pozitiv me virusin.
Në një studim të botuar ditën e martë në revistën mjekësore ‘Nature Communications’, studiuesit sollën si shembull një familje me pesë anëtarë, në të cilën të dy prindërit u prekën nga Covid-19 pasi morën pjesë në një martesë pa fëmijët e tyre në muajin mars. Përafërsisht një javë pas kthimit, prindërit shfaqën simptoma të tilla si kollë, hundë të zëna, ethe dhe dhimbje koke.
E gjithë familja u testua për Covid-19, por vetëm prindërit rezultuan pozitiv, pavarësisht nga afërsia e vazhdueshme me fëmijët e tyre, të gjithë dolën negativë.
“Është mahnitëse sepse fëmijët kishin kaluar një javë e gjysmë me ne, ndërsa ishim pozitivë me Covid.” – tha nëna, Leila Sawenko.
Të dy djemtë, nëntë dhe shtatë vjeç, filluan të shfaqnin simptoma të lehta si rrufë dhe e gjithë familja u testua përsëri. Edhe një herë, testet e fëmijëve dolën negativë./r.g/fjala.al
