Nga sot rihapet gara për rindërtimin dhe operimin e Aeroportit Ndërkombëtar të Vlorës. Këtë lajm e ka dhënë ditën e sotme ministrja e Infrastrukturës dhe Energjisë Belinda Balluku, e cila tha se gara do të jetë e hapur deri më 23 dhjetor.
Më pas një grup ekspertësh do vlerësojë ofertat dhe do të bëjë të mundur shpalljen e fituesit.
“Bllokuam këtë proces për ta rihapur në një moment të dytë. Një shkallë më lart në aviacionin civil. Tani ka ardhur koha.
Nga 23 nëntori të hapim garën ndërkombëtare për ndërtimin dhe operimin e aeroportit ndërkombëtar. Deri në 23 dhjetor të këtij viti do të qëndrojë hapur. Më pas ne do vlerësojmë ofertat që do kenë arritur deri në 23 dhjetor”, u shpreh Balluku.
Më tej ajo bëri të ditur se në mes të janarit do kemi mundësi të nxjerrim një fitues. “Ky lajm është i mirë për të gjithë shqiptarët kudo ku ndodhen, uroj që ju dhe familjet tuaja të kenë shëndet të plotë dhe gjithçka të jetë mirë”, tha Balluku./Bl.Ba/Fjala.al