Kryetari i Grupit Parlamentar të PS, Taulant Balla reagon pas dekretit të Presidentit Ilir Meta që kthen për rishqyrtim në Kuvend Ligjin për Policinë e Shtetit.
Sipas numrit të dy të PS, kreu i shtetit kthen ditën ligjin për Policinë, ndërsa natën takohet me ish shefa policie që i quantre të kanabizuar.
Gjithashtu ai nuk ka harruar të përmendë edhe pjesëmarrjen e Metën në ditëlindjen e aktorit të humorit Bes Kallaku duke theksuar se Presidenti ditën dhe natën shkel ligjin për festa kolektive, duke treguar seriozitetin ndaj shqiptarëve kur flet për Kushtetutë.
“Presidenti i Republikës kthen ditën ligjin për Policinë e Shtetit, ndërsa Ilir Meta takohet natën me ish-shefa policie që i quante të kanabizuar! Ndërsa mes ditës dhe natës, shkel ligjin për festa kolektive, duke u treguar shqiptarëve se sa serioz është kur flet për Kushtetutë e për ligj”, shkruan Balla.
Më herët Presidenti Ilir Meta ka rikthyer për shqyrtim në Kuvend ligjin “Për Policinë e Shtetit”. Sipas kreut të shtetit, ky ligj krijon hapësira për të gjurmuar dhe mbikëqyrur çdokënd përgjatë procesit zgjedhor.
“Policia e Shtetit mund të keqpërdoret për të survejuar kundërshtarët politikë të forcës qeverisëse dhe intimiduar qytetarët apo mbështetësit e tyre”, thuhet në arsyetimet e Presidentit./Bl.Ba/Fjala.al