Musk bëhet njeriu i dytë më i pasur në botë, lë pas Bill Gates dhe Zuckerberg

113 563 lexime

106,048FansaPëlqeje

Elon Musk është njeriu i dytë më i pasur në botë, pasi ka rrëzuar nga froni Bill Gates. Pas një rritje të vazhdueshme të vlerës së aksioneve të Teslas, pasuria neto e sipërmarrësit është rritur me 7.2 miliardë dollarë duke shkuar në total në 127.9 milionë dollarë.

Burimet financiare të tij janë shtuar me më shumë se 100 miliardë dollarë këtë vit, duke tejkaluar të gjithë të tjerët në Indeksin e Miliarderëve Bloomberg, i cili rendit 500 njerëzit më të pasur të botës. Në janar, Musk ishte në vendin e 35-të.

Shefi ekzekutiv i ndërmarrjes së makinave elektrike tani renditet menjëherë pas shefit të Amazon, Jeff Bezos. Tre të katërtat e vlerës neto të Musk vijnë nga aksionet e Tesla. Nëse rritja e çmimit të aksioneve të Tesla-s vazhdon, Musk mund të arrijë një marrëveshje bonus me një vlerë rekord 55.8 miliardë dollarë.

Tesla ka vlerën më të lartë të tregut nga çdo kompani makinash në botë, edhe pse bën shumë më pak automjete se të tjerët. Kompania pritet të dorëzojë deri në 500,000 automjete elektrike këtë vit, krahasuar me prodhimin vjetor të prodhuesit japonez të makinave Toyota, rreth 10 milionë.

Musk përveç makinave elektrike është i përfshirë dhe në mjetet hapësinore përmes kompanisë së tij SpaceX, e cila javën e kaluar dërgoi katër astronautë në Stacionin Hapësinor Ndërkombëtar me raketa Falcon dhe kapsulën Dragon nën një kontratë tregtare me Nasa.

Gates, i cili bashkë-themeloi Microsoft, ishte personi më i pasur në botë për vite me radhë para se të rrëzohej nga vendi i parë nga Bezos në 2017. Pasuria e Gates është me vlerë 127.7 miliardë dollarë, por mund të ishte më e lartë nëse  nuk do të kishte dhuruar shuma të mëdha për bamirësi gjatë viteve.

Lexo edhe :  Politika e Biden me Kinën, e njëjtë me atë të Trump?

Një javë më parë, Musk kaloi Zuckerberg dhe kaloi në vendin e tretë. Themeluesi 36-vjeçar i Facebook ka rënë përsëri në vendin e katërt këtë javë, pas biznesmenit francez Bernard Arnault, shefi ekzekutiv i LVMH, kompania më e madhe e mallrave luksoze në botë. /Re.D/Fjala.al

Të fundit

Kërcënohet dhe denigrohet presidentja e Kosovës Vjosa Osmani

Faton Peci, këshilltari i presidentes në detyrë të Kosovës Vjosa Osmani bën me dije se kjo e fundit është...

Epidemiologu Alimehmeti shpjegon pse mund të prekesh nga Covid-19 edhe pas vaksinimit

Mjeku epidemiolog Ilir Alimehmeti deklaron se edhe në rast se një person bën dy dozat e vaksinës ndaj COVID-19, sërish mundësi të infektohet me...

Presidenti Meta dekreton aktet normative për vaksinën antiCovid

Presidenti i Republikës, Ilir Meta miraton aktet normative për marrëveshjen e qeverisë shqiptare me kompaninë Pfizer, për marrjen e vaksinës anti Covid e konsideruar...

Veliaj dhe ambasadori i Izraelit, homazhe në Memorialin e Holokaustit: Koha të reflektojmë

Në Ditën Ndërkombëtare të Përkujtimit të viktimave të Holokaustit, kreu i Bashkisë së Tiranës, Erion Veliaj, bëri thirrje për reflektim dhe për të lënë...

Policja shqiptare provokon me foton +18/ Në mes të borës gjysmë e zhveshur

Policja kosovare, Linda Aliu njihet për fotot e saj provokuese në rrjetet sociale. Pavarësisht motit të ftohtë, ajo ka publikuar disa foto seksi nga Brezovica. Ajo...

Lajme të tjera

Web TV