FFK thotë se Shefki Kuqi dhe plot trajnerë tjerë po i vetëofrohen, pa i ftuar fare!

113 563 lexime

124,178FansaPëlqeje

Federata e Futbollit e Kosovës (FFK) ka lëshuar një komunikatë të çuditshme për shtyp, që ka të bëjë me emërimin e trajnerë të rinj të përfaqësueses së Nën-21-vjeçarëve të Kosovës dhe ekipeve tjera “zinxhir”. Në një kohë kur po priten ndryshime në ekipet e reja përfaqësuese, organizmi që qeveris futbollin në Kosovë thotë se janë 7-8 trajnerë që iu janë afruar në kërkim të postit të trajnerëve, proces ky që në fakt do të duhej të kryhej profesionalisht, me plane e projekte zhvillimore, mbi bazën e meritave profesionale të një trajneri.

Madje, FFK-ja pohon se edhe legjenda me karrierë të bujshme ndërkombëtare, Shefki Kuqi, i është vetëofruar për postin e trajnerit të përfaqësueses së Nën-21-vjeçarëve të Kosovës, post të cilin hëpërhë e mban Rafet Prekazi, të cilin duket se e pret largimi nga kjo detyrë. “Federata e Futbollit e Kosovës dëshiron të sqarojë opinionin lidhur me raportimet e fundit në media se Shefki Kuqi do të jetë trajneri i ri i përfaqësueses së Nën-21-vjeçarëve”, – shkruhet në komunikatën e lëshuar nga FFK-ja.

“Deri më tani, Komiteti Ekzekutiv ende nuk është mbledhur për të analizuar punën e ekipeve përfaqësuese “zinxhirë” dhe për të diskutuar rreth ndryshimeve eventuale, – vijon komunikata. – Fillimisht do të kërkohet raporti i punës nga menaxherët e ekipeve kombëtare dhe më pas do të ftohen për bisedë trajnerët e secilës grupmoshë. Sigurisht që aty ku vlerësohet se është e nevojshme të ketë ndryshime do të ndërmerren hapat e duhur.”

“Por, tani për tani nuk është zhvilluar asnjë takim me asnjë prej emrave që përmenden në media, – vijon organizmi që qeveris futbollin në Kosovë. – Është e vërtetë që Shefki Kuqi ka shprehur interesim për të dhënë kontributin e tij për futbollin e Kosovës, por krahas tij janë edhe 7-8 emra tjerë që po ashtu kanë shprehur interesim për të qenë pjesë e ekipeve përfaqësuese dhe Komiteti Ekzekutiv i FFK-së do të analizojë mirë çdo gjë para se të vendosë për hapat konkretë.”

Lexo edhe :  Fazë rinovimesh tek Real Madridi, Kroos besnik deri në vitin 2025 me “Los Blancos”

 

Të fundit

Një tjetër kryebashkiak socialist pritet të gjykohet nga GJKKO, ja për çfarë akuzohet

Në seancen e sotme SPAK mbajti qëndrimin që dosja në ngarkim të zyrtarit të lartë të qendojë në Gjykatën...

Vrau me thikë bashkëjetuesen dhe u largua / Apeli lë në burgim të përjetshëm Ramiz Micin

Referuar raportimeve të mëparshme në media, Gjykata e Apelit të Juridiksionit të Përgjithshëm, informon sa më poshtë: Në Gjykatën e Shkallës së Parë të Juridiksionit...

600 mijë euro për të prezantuar BBV? Arbana përgjigjet pas largimit nga Topi

Ish-moderatorja e Big Brother VIP Albania, Arbana Osmani, ka vendosur të ndajë mendimet e saj të qëndrueshme rreth çështjeve shumë të përfolura në media...

3 shenjat e horoskopit që e lëshojnë dorën thuajse gjithnjë me miqtë për para borxh

Nëse i jepni një shoku apo shoqeje vetëm ca lekë borxh sepse ka harruar portofolin në shtëpi, kjo është tjetër gjë krahasuar me disa...

‘Ethet e Dengës’?/ OBSH ngre alarmin: Sëmundje virale, ka shënuar shifra rekord këtë vit

Epidemia e Etheve të Dengës po përhapet me shpejtësi në Karaibe dhe Amerikën latine, duke shënuar shifra record nga fillimi i vitit deri tani....

Lajme të tjera

Web TV