Njëri është 54 vjeç, tjetri 51. Por sfida mes Mike Tyson dhe Roy Jones Jr. premton të jetë spektakolare. Të dy sportistët kryen të premten peshimin, në prag të përballjes këtë të shtunë në Los Anxhelos.
Për shkak të pandemisë, ballafaqimi mes të dyve nuk ishte tradicional, pasi mes tyre kishte një ndarëse pleksiglasi, por të dy u dukën optimistë për rezultatin e takimit.
“Do të vrapoj, mos u shqetësoni për mua. Do t’i dalë përpara gjatë gjithë kohës”, tha “Iron Mike”. “Të gjithë thonë që karrierë ime ishte një gabim i madh, por kjo më ka shtyrë përpara”, tha Jones Jr.
Ndeshjen e fundit, Tyson e ka realizuar në vitin 2005, ndërsa rivali i tij në vitin 2018. Megjithatë, Tyson është stërvitur fort për këtë rikthim në ring dhe është i bindur që do të dalë triumfues./Re.D/Fjala.al
