Ka qenë një garë e flaktë,në kuptimin e vërtetë të fjalës, ajo e Bahreinit në Formula 1, e zhvilluar të dielën.
Piloti francez, Groszhon, i ka shpëtuar vdekjes pas aksidentit të tmerrshëm në nisje, kur makina e tij shpërtheu në fjalë dhe u nda më dysh.
Gara e parafundit e këtij sezoni të Formulës 1, e zhvilluar në Bahrein, ka rezultuar një garë maratonë, duke zgjatur më tepër se 3 orë.
Në fakt, gara që u soll për sportdashësit drejtpërdrejt nga Rrjeti i Radio-Televizionit Shqiptar, ka nisur në mënyrën më të keqe të mundshme ditën e sotme kur piloti i Haas, Romën Groszhon u përfshi në një aksident të frikshëm. Makina e tij u përplas dhunshëm me barrierat metalike dhe mori menjëherë flakë. Piloti doli me shpejtësi dhe fatmirësisht nuk kishte dëmtime të rënda, edhe pse makina e tij u nda më dysh.
Sipas njoftimit të skuadrës “Haas”, piloti francez është mirë dhe ka vetëm disa dëmtime dhe djegje minimale në gjymtyrë. Ndërkaq, përsa i përket garës, ajo ishte një formalitet për Luis Hemiltonin, teksa piloti britanik i “Mercedes”-it udhëhoqi i pashqetësuar deri në fund.
Ai korri fitoren e tij të 11-të këtë sezon, ndërsa podiumin e plotësoi dyshja e “Red Bull”-it, Maks Verstapen dhe Aleksandër Albon. Gara u mbyll ashtu si nisi, me flakë, teksa edhe makina e Serxhio Perezit mori flakë, 3 xhiro para fundit, çka nënkupton se gara u mbyll nën regjimin e makinës së sigurisë.
Pa.Va/Fjala.al