Ish-zëvendëskryeminstri dhe ish-ministri i Mbrojtjes Gazmend Oketa do jetë i ftuar sot në orën 18.30 në emisionin “HARD TALK NGA ROLAND QAFOKU” në FJALA TV.
Oketa është një nga politikanët më të spikatur në këto tre dekada që me aktivizimin por edhe me largimet e tij ka shkaktuar shumë debate në politikën e të djathtës. Ai do flasë sot pikërisht për arsyet që e çuan në këtë kthim të dytë në Partinë Demokratike dhe ambicjet e tij personale për zgjedhjet e 25 prillit të vitit që vjen. Oketa do bëjë një analizë të zgjeruar ta situatës politike të mënyrës se si qeveria po e menaxhon situatën aktuale politike por edhe të pandemisë. Si ministër i Mbrojtjes në momentin kur Shqipëria u anëtarësua në NATO ai do flasë për rrugëtimin më të rëndësishëm të ushtrisë shqiptare drejt kësaj aleance por edhe si e kanë drejtuar këtë dikaster dy gratë e para në histori Mimi Kodheli dhe Olta Xhaçka. Oketa do flasë edhe për përgatitjet e PD për zgjedhjet. Përse shqiptarët duhet të votojnë PD dhe ndryshimi i programit të dy forcave kryesore politike. Këto dhe të tjera, na ndiqni në një intervistë me ish-zëvendëskryeministrin dhe anëtarin e Këshillit Kombëtar të PD Gazmend Oketa.
Na ndiqni LIVE sot në 18.30 në “FJALA TV” në live stream, facebook dhe youtube. Një “Hard Talk” që nuk duhet të humbisni.
Pa.Va/Fjala.al
