Groszhon rrëfen makthin e zjarrtë: Pashë vdekjen të më vinte, dola prej fëmijëve të mi

113 563 lexime

106,048FansaPëlqeje

Njëzet sekonda, një makth i pafund për Roman Groszhon brenda kabinës së tij të rrethuar nga flakët, aty ku jeta i kaloi para syve. Francezi i skuadrës “Haas ka komentuar incidentin e frikshëm. “Rreth meje fillova të shihja vetëm ngjyrën portokalli të flakëve dhe m’u kujtua aksidenti i Niki Laudës, – ka rrëfyer ai nga shtrati i spitalit. – Duhet të largohesha prej andej për fëmijët e mi.” Tetë sekonda iu deshën që të largohej nga makina e ndarë në gjysmë pas përplasjes.
“Kanë kaluar 28 sekonda, por mua m’u duk shumë më gjatë, – ka pohuar francezi.- Kjo, edhe për faktin se u përpoqa 3 herë të dilja nga kabina. Jam pa dyshim i lumtur që jam gjallë pas një aksidenti si ky. Më shumë se një mrekulli, u bënë bashkë rrethanat e duhura. Për mua ishte sikur të rilindja të dielën. Aksident që do të më shënojë gjithë jetën. Unë kurrë nuk do ta kisha thënë këtë në rrethana të tjera, por tani e them që do të isha i lumtur të kaloja vijën e finishit në pozicionin e njëzetë.”
Piloti i Formulës 1, Romën Groszhon, thotë se mendimi për fëmijët e tij e frymëzoi atë që të largohej dhe shpëtonte nga bërthama e makinës së tij që digjej pas një përplasjeje të tmerrshme në garën për Çmimin e Madh të Bahrejnit të dielën. Incidenti ndodhi në kthesën e tretë të xhiros së parë, ndërsa Groszhon u përplas në barriera pas kontaktit me makinën e pilotit Daniil Kviat. Francezi tha se ai “pa vdekjen duke ardhur”, pasi makina u nda më gjysmë dhe u përfshi menjëherë nga flaka.
Pamjet dramatike të drejtpërdrejta treguan se francezi u hodh nga rrënojat e djegura të makinën dhe tha se ishin në pyetje vetëm 28 sekonda para se të vdiste. Më pas, ai u dërgua në spital që të trajtohet për djegie të duarve. Skuadra e “Haas”-it ka konfirmuar se Groszhon u lirua nga spitali të mërkurën dhe do të qëndrojë në këtë vend për të marrë trajtim privat për djegiet e tij. Duke folur për aksidentin, Groszhon thotë se shumë gjëra i kaluan nëpër mend ndërsa ishte ulur në rrënojat e makinës.
Përfshi këtu edhe Niki Laudan, ish-pilotin e Formulës 1 që pësoi djegie të rënda pas një përplasjeje gjatë garës për Çmimin e Madh të Gjermanisë në vitin 1976. “Mendova se nuk ishte e mundur të përfundoja ashtu, jo tani, – ka theksuar piloti i “Haas”-it. – Nuk mund ta përfundoja historinë time në Formula 1 në atë mënyrë. Mendova për fëmijët e mi dhe i thashë vetes që duhej të dilja jashtë. Unë vura duart në zjarr, kështu që qartë e ndjeva djegien e tyre.”
“Unë kisha më shumë frikë për familjen dhe miqtë e mi, padyshim fëmijët e mi që janë burimi im më i madh i krenarisë dhe energjisë, sesa për veten time në fund të fundit, – ka vijuare ai. – Unë mendoj se do të më duhet punë psikologjike, sepse unë me të vërtetë pashë vdekjen duke ardhur.” Grosjean ka kredituar pajisjen e sigurisë (“Halo”), rrethin që qarkon kokën e pilotëve, për shpëtimin e jetës së tij të dielën, duke pranuar se ai nuk ishte adhuruesi i tij më i madh kur ky element u prezantua për herë të parë në vitin 2018.
“Halo” është një pajisje për mbrojtjen e titanit që është e detyrueshme për të gjitha makinat në Formula 1. Ajo mbron kabinat e pilotëve dhe mund të përballojë peshën e një autobusi dykatësh, sipas F1. Pas arratisjes së tij të mrekullueshme, Groszhon thotë se ai është i vendosur të marrë pjesë në garën e fundit të sezonit, që do të mbahet në Abu Dhabi më 13 dhjetor 2020, në atë që mund të jetë e fundit në një makinë të Formulës 1.
34-vjeçari është pa një vend për vitin e ardhshëm pasi skuadra “Haas” njoftoi në muajin tetor se Groshzoni dhe shoku i tij i skuadrës, Kevin Magnusen, do të largoheshin në fund të sezonit 2020. “Ekziston nevoja të kthehem në makinë, nëse është e mundur në Abu Dhabi, për ta përfunduar historinë time me Formulan 1 në një mënyrë tjetër”, – shtoi ai. Në fakt, Groszhon ka thënë se ka rilindur pasi i shpëtoi vdekjes në shtegun e Bahrejnit dhe këtë moment insiston se do të mbajë në mend gjatë tërë jetës së tij.
“Ishte pothuajse si një lindje e dytë. Të dilja nga flakët atë ditë është diçka që do të shënojë jetën time përgjithmonë”, – përfundoi piloti francez.

Të fundit

“Stop përbaltjes”/ Mjeku Tritan Kalo zbulon fajtorin për dobësitë në sistemin shëndetësor

Mjeku Tritan Kalo njihet si një nga kritikët e mëdhenj dhe ka bërë mjaft polemika me ata persona që...

Kryeministri Rama i përgjigjet ambasadës franceze: Gaboi, nxorri nga konteksti atë që thashë

Shqetësimit të ambasadës franceze në Tiranë, kryeministri Edi Rama i përgjigjet nëpërmjet një mesazhi me qytetarë në rrjetet sociale, dukle theksuar se nuk ka...

“Zemër e shpirt”/ Anita Haradinaj zbulon si e përkëdhel Ramushi: Më gjuan nga të pasmet

Spikerja e njohur e lajmeve në  Anita Muçaj–Haradinaj, ka qenë njëra ndër të ftuarat në emisionin e radhës të “Shiko kush luan”. Në një prej...

Përkujtohet në Lezhë 553-vjetori i Skënderbeut/ Pjerin Ndreu: Figura që na bën bashkë

Është përkujtuar mëngjesin e sotëm në Lezhë 553-vjetori i vdekjes së Gjergj Kastrioti Skënderbeut. Nën masa anti-Covid, autoritetet lokale bënë homazhe dhe vendosen kurora...

“Mirupafshim Grida Duma”/ Basha gati ta zëvendësojë me ish-missin!

Partia Demokratike duket se do të kandidojë në Durrës, një ish-Miss. Bëhet fjalë për Floriana Garon, e cila për disa kohë ka moderuar edhe një...

Lajme të tjera

Web TV