Aksident me pasojë plagosjen rëndë të një fëmije të mitur është regjistruar paraditen e sotme në Durrës.
Burime policore bëjnë me dije se ngjarja ka ndodhur në vendin e quajtur “Kryqëzimi i Fllakës”, ku shtetasi F. I., 62 vjeç, duke drejtuar mjetin tip “Fiat”, ka aksidentuar këmbësorin shtetasin e mitur E. D., 9 vjeç.
Menjëherë pas aksidentit vogëlushi është dërguar me urgjencë në spitalin rajonal për ndihmë mjekësore, ndërsa raportohet se ndodhet nën kujdesin e mjekëve.
Policia në vendin e ngjarjes ka bërë të mundur ndalimin e drejtuesit të mjetit ndërsa e kanë shoqëruar në ambientet e Policisë për veprime të mëtejshme.
Grupi hetimor po punon për zbardhjen e plotë të shkaqeve të aksidentit./Bl.Ba/Fjala.al
