Autoritetet shëndetësore në Kosovë kanë bërë me dije se gjatë 24 orëve të fundit janë shënuar 453 raste të reja me koronavirus, pas kryerjes së 1,470 mostrave.
Instituti Kombëtar i Shëndetit Publik (IKSHPK) ka njoftuar se brenda 24 orëve janë regjistruar tetë viktima.
Sipas të dhënave të këtij Instituti të enjten janë regjistruar edhe 483 raste që kanë fituar betejën me virusin, ndërsa raste aktive aktualisht janë 11,280.
Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë raportuar për 47,952 të infektuar me COVID-19, prej tyre 1,233 pacientë kanë vdekur./r.g/fjala.al