Gjyqtarja Zhaklina Peto është skualifikuar dy herë nga KED për një vend vakant në Gjykatën Kushtetuese.
Zhaklina Peto u rikthye në garë nga Gjykata Administrative e Apelit ku e kishte ankimuar vendimin e KED që e skualifikonte nga gara.
Ndërkohë sot u mblodh KED për shqyrtimin e procedurave të verifikimit për kandidatin për vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 22.11.2019, Zhaklina Peto, e cila është tërhequr nga gara. Në rendin e ditës ka qenë parashikuar dhe vendimmarrja lidhur me lejimin/ndalimin e kandidimit të kandidatit të mësipërm.
Mbledhja nisi me miratimin e rendit të ditës si dhe miratimin e procesverbalit të përmbledhur të mbledhjes së datës 21.12.2020 dhe u mbyll me Përfundimin e procedurës së verifikimit, vlerësimit, pikëzimit dhe renditjes, së kandidaturës së Zj. Zhaklina Peto, për shkak të tërheqjes nga kandidimi, për gjyqtar në Gjykatën Kushtetuese.
Në mbledhjen e sotme merrnin pjesë anëtarët e KED, Avokati i Popullit si edhe përfaqësuesi i Presidentit të Republikës.
