Kupa e Ligës Angleze njeh dy gjysmëfinalistet e para

113 563 lexime

124,178FansaPëlqeje

Brentfordi shtang Njukasëll Junajtid, Mançester Siti shpartallon Arsenalin. Transmetimet e mëdha sportive rikthehen në Rrjetin e Radio-Televizionit Shqiptar dhe në mesjavë Kupa e Ligës Angleze, e cila ka arritur në fazën e saj çerekfinale. Transmetuesi publik do t’i sjellë për sportdashësit të 4 sfidat që premtojnë spektakël dhe dy prej tyre janë luajtur të martën. Rrjeti i Radio-Televizionit Shqiptar po sjell për sportdashësit drejtpërdrejt ndeshjet më të spikatura të dy prej veprimtarive të vendeve kryesore të Evropës, siç është Anglia dhe Gjermania.

Natyrisht, spikat Kupa e Ligës Angleze, e cila ka arritur në fazën e saj çerekfinale dhe transmetuesi publik ka sjellë të martën dy sfidat e para të çerekfinaleve. Gjithçka ka nisur me përballjen midis të papriturës së kësaj veprimtarie, Brentfordit, që ka pritur në fushën e vet Njukasëll Junajtid. Kjo ndeshje, që u transmetua në kanalin RTSH 3 të platformës së Radio-Televizionit Shqiptar, ka dhuruar një rezultat të papritur, sepse skuadra vendase, që militon në nivelin e dytë të kampionatit anglez të futbollit, ka fituar me një gol të vetëm, të shënuar në pjesën e dytë.

Ndërkaq, po të martën, duke nisur nga ora 21:00, në kanalin RTSH Sport, ka ardhur superdueli Arsenal-Mançester Siti, që është fituar nga miqtë me rezultatin e thellë 4-1. Miqtë kanë kaluar në epërsi pas vetëm 3 minutash lojë, me anë të Gabriel Zhezusit. Por Arsenali do të barazojë shifrat pas një gjysmëore lojë, me anë të Lakazetës. Në barazim 1-1 do të mbyllen 45 minutat e para, ndërsa ato të dytat do të vendosen praktikisht nga gabimi i portierit të Arsenalit, Runarson, që i dhuron golin Rijad Mahrezit në minutën e 55-të.

4 minuta më pas, Fil Foden përfiton nga tulatja e vendasve dhe gjen edhe golin e 3-të të miqve. Fati i ndeshjes do të vuloset përfundimisht në minutën e 73-të, kur Ajmerik Laporte shënon edhe golin e 4-t të Mançester Sitit, që shkon kështu në gjysmëfinale. Të mërkurën luhen dy takimet e tjera që do të vijnë të dyja në kanalin RTSH Sport të platformës së transmetuesit publik. Në përballjen e parë, që nis në ora 18:30, e papritura tjetër e këtyre çerekfinaleve, Stouk Siti sfidon Tohenhemin e trajnerit Zhoze Murinjo, që sigurisht e synon këtë trofe si ngushëllim për një sezon që ka nisur mirë, por është karakterizuar nga luhatje në kampionat.

Lexo edhe :  “U largova nga futbolli pasi nuk e njihja më”,Klose: Të rinjtë e kanë mendjen tek makinat

Ndërsa në mbrëmje, duke nisur nga ora 21:00, do të vijë drejtpërdrejt dueli mjaft interesant midis Evertonit dhe Mançester Junajtid, dy skuadrat që hëpërhë ndajnë vendin e 3-të dhe të 4-t. Për vendasit e trajnerit Karlo Ançeloti, sezoni ka nisur mirë, por më pas ekipi nisi të shkasë poshtë në renditje, ndërsa e kundërta ka ndodhur me “Djajtë e kuq” të homologut Ole Gunnar Solskjaer, të cilët kanë njohur rritje në lojën e tyre dhe, përtej eliminimit nga Liga e Kampioneve, mbeten në luftë për trofe në të gjitha frontet e tjera. Me pak fjalë, fundjava premton emocione që vetëm futbolli anglez mund t’i falë…/Bl.Ba/Fjala.al

Të fundit

Dallimet mes fëmijëve që lexojnë në letër dhe atyre që lexojnë në ekrane digjitale

Në një kohë dhe epokë ku gjithçka po shkon drejt digjitalizimit, studuesit kanë vendosur të kuptojnë si ndikon leximi...

Ndryshon paga për disa kategori/ Sa do jetë rritja për mjekët, infermierët dhe mësuesit

Reforma e ndërmarrë nga qeveria gjatë vitit 2023 për rritjen e pagave do të finalizohet deri në fund të 2024. Vendimi “Për miratimin e...

‘Zien’ toka, dy lëkundje të forta tërmeti në vendin fqinjë, ja sa ishte magnituda

Një tërmet është ndjerë në Athinë, në brigjet e Peloponezit, pranë ishujve Strofades. Sipas informacioneve të para, intensiteti i lëkundjeve ka qenë 5.6 e shkallës...

Nëse keni probleme me gjumin, ju mund të vuani nga këto 5 çrregullime

A e keni vënë re sesa keq ndiheni të nesërmen, pasi keni fjetur keq një natë më parë? Djersë të ftohta, minuta të tëra...

“3 fakte qesharake”/ Luarasi-Bardhit: Do të të kisha ngelur në klasë

Akuzat e kreut të PD Gazment Bardhi ndaj vëllait të kryeministrit Olsi Rama kanë ngjallur debat  në studion e “Opinion” në Tv Klan. 3 elementë...

Lajme të tjera

Web TV