Presidenti Ilir Meta i është përgjigjur përmes një konference për mediat akuzave të kryeministrit Edi Rama se kreu i shtetit ka bllokuar autorizimin e negociimit të një huaje me vlerë 30 milionë dollarë për rehabilimitin e aksit Vlorë-Orikum.
Meta tha se mashtrimet e kryeministrit Edi Rama nuk meritojnë komente, por deklarata e tij është për qytetarët e Vlorës që janë keqinformuar nga kryeministri.
Sipas Metës, qeveria ka gënjyen Kuvendin për huanë, duke i deklaruar se do të përdorej për ndërtimin e lotit të katërt të rrugës së Lumit të Vlorës, ndërkohë që më herët kishte vendosur të ndërpriste huan për këtë investim.
Sipas tij, Presidenti e shpalli ligjin vetëm pak ditë pasi u miratua nga Parlamenti më 21 shtator 2021.
“Qytetarët e qarkut të Vlorës meritojnë vëmendje dhe sqarime, pavarësisht se e dinë shumë mirë nga përvoja e tyre prej 8 viteve peshën e fjalëve të secilit. Jam për të përmendur disa fakte të papërgjegjshmërisë së kryeministrit për disa akuza propagandistike që ka bërë në Vlorë.
Kuvendi i Shqipërisë më datë 21 shtator 2020 i ka përcjellë Presidentit të Republikës ligjin për financimin e projektit të rrugës së lumit të Vlorës. Ky ligj është miratuar më 17 shtator 2020.
Presidenti i Republikës e shpalli këtë ligj menjëherë më 22 shtator pasi shqyrtoi me vëmendje praktikën parlamentare nga ku rezultonte se qeveria shqiptare përmes Ministrisë së Financave, i kishte kërkuar fondit saudit zgjidhjen e marrëveshjes së huas.
Fondi Saudit përmes letrës i kthen përgjigje: Në vijim të letrës suaj, duam të informojmë të zgjidhim marrëveshjen e huas. Është e qartë që fondi saudit ka pranuar një propozim të palës shqiptare.
Kjo ndërprerje për financimin e lumit të Vlorës. Këto punime premton qeveria në Parlament do të jenë të plota kur kjo rrugë të përfshijë edhe bashkia e Selenicës. Pra, qeveria thoshte në Kuvend se do të vijonte projektin me fonde të tjera.
Madje, Presidenti u befasua që ky projekt nuk do të bëhej me hua. Vetëm 7 ditë më vonë, më datë 29 shtator, Ministria e Financave i paraqet një kërkesë Presidentit ku i kërkohet plotfuqishmëri për një tjetër hua po me fondin saudit për rrugën Vlorë-Orikum. Presidenti mësoi se kjo marrëveshje ishte miratuar në Këshillin e Ministrave më 23 shtator. Rezultoi që Presidentit i kërkohej të lëshonte plotfuqishmëri kur më parë duhej të merrte një autorizim.
Ajo që është e rëndë është se përfaqësuesit e qeverisë kanë gënjyer në Kuvend, kur kanë deklaruar se huaja do të merrej për lotin e katërt të lumit të Vlorës, kur huaja do të transferohej për një tjetër projekt. Çfarë bëri Presidenti që pengoka sipas kryeministrit këtë hua. Më 6 tetor, Presidenti i drejtohet Ministrisë së Financave dhe Ministrisë për Punët e Jashtme ku ministër ishte Rama.”, deklaroi Meta.