Dorëheqje në Shtëpinë e Bardhë pas dhunës në Kongres

113 563 lexime

106,048FansaPëlqeje

Dy këshilltare të larta të Zonjës së Parë, Melania Trump dhanë dorëheqjen të mërkurën pas dhunës në Kongresin amerikan dhe zyrtarë të tjerë të lartë të Shtëpisë së Bardhë po konsideronin të jepnin dorëheqjen, përfshirë këshilltarin e sigurisë kombëtare Robert O’Brien dhe zëvendësin e tij, Matthew Pottinger, thanë burime me dijeni për këto zhvillime.

Stephanie Grisham dha dorëheqjen si shefe e kabinetit të zonjës së parë pasi mbështetësit e Presidentit Donald Trump hynë me dhunë në Kapitolin e Shteteve të Bashkuara në një përpjekje për të mos lejuar Kongresin të certifikonte rezultatet e zgjedhjeve presidenciale.

“Ka qenë një nder t’i shërbeja vendit në Shtëpinë e Bardhë. Jam shumë krenarë që isha pjesë e misionit të zonjës Trump për të ndihmuar fëmijët kudo, dhe krenare për shumë arritje të kësaj administrate,” tha zonja Grisham në një deklaratë.

Grisham, e cila ishte për një vit sekretare shtypi e Shtëpisë së Bardhë përpara se të bëhej shefe e stafit të Zonjës së Parë, nuk tha nëse dorëheqja e saj ishte në reagim ndaj dhunës në kryeqytetin e vendit, por një burim i njohur me vendimin e saj tha se dhuna e bindi atë përfundmisht për të.

Edhe sekretarja sociae e Shtëpisë së Bardhë, Rickie Niceta, dha dorëheqjen, ashtu si edhe një zëvendës sekretare e shtypit e Shtëpisë së Bardhë, Sarah Matthews, thanë dy burime për Reuters.

Zoti O’Brien po konsideronte gjithashtu dorëheqjen, ashtu si edhe zoti Pottinger, zëvendës këshilltari i sigurimit kombëtar i cili ka qenë një zë kryesor për politikën ndaj Kinës brenda administratës, thanë dy burime.

“Sapo fola me Nënpresidentin Pence,” tha zoti O’Brien në një deklaratë më herët të mërkurën, duke shtuar, “Jam krenar që shërbej me të.”

Brenda Shtëpisë së Bardhë kishte gjithashtu zëra se zëvendës shefi i stafit Chris Liddell mund të jepte dorëheqjen, sipas një burimi.

Lexo edhe :  Pajisja e cila mat sasinë e oksigjenit në gjak, nuk funksionon njësoj tek të gjithë njerëzit: Ç’duhet të dini

Shtëpia e Bardhë nuk pranoi të komentojë.

Lëndime të shumta u njoftuan dhe një grua humbi jetën nga dhuna në Kapitol, ndërsa mbështetësit e Trump iu përgjigjën thirrjes së presidentit për të protestuar ndaj humbjes së tij në zgjedhjet presidenciale të nëntorit ndaj demokratit Joe Biden. Zoti Trump ka pretenduar në mënyrë të përsëritur dhe të pabazë se zgjedhjet u shoqëruan nga manipulime.

Zoti Biden do të inaugurohet më 20 janar.

l.m/Fjala.al

Të fundit

“Ke shkuar me gruan time”/ Burri nga Kukësi kërcënon 72-vjeçarin dhe i zhvat 12 mln lekë

Policia e Kukësit ka arrestuar një 50-vjeçar të identifikuar si Agron Nika, i cili përmes kërcënimit i ka marrë...

Valltarja e famshme që u mbyt tragjikisht me shallin e saj

Kudo që shkonte ajo verbonte në skenë. Shumica e admironin atë. Të tjerët, megjithatë, nuk e kuptuan mjaftueshëm skenën e tij inovative. Por, për mirë apo për...

U vranë nga Përparim Ademi ditën e Vitit të Ri/ Motra e Zhanetës dhe Kristinës hap gjyq, ja çfarë kërkon ajo

Adriana, motra e Zhaneta Metanit dhe Kristina Bardhit që u vranë ditën e Vitit të Ri në shtëpinë e tyre në Astir, kërkon kujdestarinë...

E rëndë/ Dy nxënës 13 dhe 14 vjeç humbin jetën për shkak të përplasjes mes bandave

Konfliktet midis bandave rivale, me viktima në moshë të re, po bëhen një problem serioz në Francë. Në vetëm 24 orë, një vajzë 14-vjeçare dhe...

Rikthehen tërmetet në Shqipëri/ Lëkundet Durrësi, ja sa ishin magnitudat

Lëkundje të lehta tërmeti janë regjistruar në orët e para të mëngjesit të sotëm në Durrës. Raportohet se tërmetet ishin me magnitudë 3.2 dhe...

Lajme të tjera

Web TV