I ftohti sjell telashe të mëdha, këshillat si të ruani shëndetin në dimër

113 563 lexime

106,048FansaPëlqeje

Gjatë dimrit, organizmi dhe zemra punojnë më shumë për të përballuar të ftohtin. Kjo mund të jetë veçanërisht e rrezikshme për të moshuarit dhe të sëmurët kronikë.

Nëse qëndroni gjatë në të ftohtë, temperatura trupore mund të bjerë nën 35°C e me kalimin e kohës organizmi nuk funksionon më siç duhet duke rrezikuar shëndetin. Të ftohtit shkakton ngushtim të enëve të gjakut dhe përshpejtim të ritmit të zemrës.

Gjatë qëndrimit jashtë, pjesët më të ekspozuara si koka, këmbët e duart mund të ngrijnë. Në fillim ato humbasin ndjeshmërinë, skuqen dhe dhembin, e më pas ngrijnë duke u bërë gri dhe të padhembshme.

Nëse kryeni sforcim fizike në ambiente të jashtme, rrezikoni të përkeqësoni sëmundjet e zemrës. Dimri dhe temperaturat e ftohta mund ta dëmtojnë shëndetin tuaj, por ju mund të jeni mirë nëse ndiqni këto këshilla:

▪ Vishuni ngrohtë dhe përdorni shall, doreza dhe kapuç kur jeni në ambiente të jashtme dhe të ftohta.

▪ Evitoni të qëndroni gjatë në ambiente të jashtme në ditët e ftohta, me erë dhe sidomos kur jeni të lagur.

▪ Evitoni të dilni jashtë në orët e para të mëngjesit dhe orët e vona të darkës. ▪ Ecni me kujdes e me hapa të vegjël dhe duart jashtë xhepave.

▪ Ushqehuni me ushqime të ngrohta e të lëngshme të përbëra nga mishi, bishtajoret, perimet, drithërat, por edhe fruta që përmbajnë vitamina dhe minerale.

▪ Pini sa më shumë ujë dhe lëngje, sidomos nëse jeni të sëmurë dhe qëndroni vazhdimisht në shtëpi.

▪ Qëndroni në ambiente të ngrohta dhe të ajrosura herë pas here. Temperatura ideale për ambientin e brendshëm është 20-23° C, dhe ajrosja duhet të bëhet disa herë për të siguruar lagështinë e duhur për rrugët e frymëmarrjes dhe për të ulur përqendrimin e mikrobeve në shtëpi.

Lexo edhe :  Ngjarjet e datës 23 janar

Nëse qëndroni gjatë në të ftohtë, organizmi juaj nuk arrin të prodhojë aq nxehtësi sa harxhon dhe ju do të filloni të vuani nga ulja e temperaturës trupore, e me kalimin e kohës do të ndiheni të lodhur, të mpirë dhe konfuzë.

Kjo, pasi si pasojë e ngushtimit të enëve të gjakut në tru; ai fillon të mos mendojë qartë dhe pastaj lëvizjet fillojnë të ngadalësohen, deri kur temperatura e trupit të bjerë nën 35° C deri në ngrirje.

Shenjat e para të ngrirjes janë mungesa e ndjeshmërisë, skuqja dhe dhimbjet në indet e lëkurës dhe nënlëkurës në ekstremitete (kokë, këmbë e duar) dhe zonat më të ekspozuara si fytyra, veshët, etj.

Në raste të tilla nuk duhet të masazhohen pjesët e ngrira, por duhet të futeni menjëherë në një ambient të ngrohtë dhe të pini pije të ngrohta që të rrisin temperaturën e trupit, duke evituar përdorimin e alkoolit./Bl.Ba/Fjala.al

Të fundit

‘Llastojnë’ njëri-tjetrin/ Çfarë po ndodh mes Fationit dhe modeles shqiptare

Modelja e njohur shqiptare, Trejsi Sejdini, ka zhvilluar së fundmi një bisedë me ndjekësit në rrjetet sociale.Mirëpo, çfarë mori...

Shkodra jep alarmin, kërkohen varka dhe ushqime

Bashkia e Shkodrës ka përditësuar situatën aktuale si pasojë e motit të keq të karakterizuar nga reshjet e shumta. Në një njoftim zyrtar në...

Sërish lajme të këqija për Albin Kurtin, Paneli Zgjedhor i Ankesave dhe Parashtresave i mohon kandidimin

  Paneli Zgjedhor i Ankesave dhe Parashtresave (PZAP) në Kosovë, ka refuzuar pjesërisht ankesën e Lëvizjes Vetëvendosje të paraqitur në PZAP, pas moscertifikimit të listës...

Lëkundje në Shqipëri,tërmet me magnitudë 4.4 të shkallës Rihter, ja ku ishte epiqendra

Një tjetër tërmet goditi vendin mesditëne sotme, pas një sërë lëkundjesh që kanë ndodhur së fundmi. Fuqia e kësaj lëkundjeje arrin në shkallën 4.4...

“Ky proces do të rezultojë i suksesshëm falë bashkëpunimit”, Sokol Sadushi në takim me Ambasadoren e Mbretërisë së Hollandës në Tiranë

Zëvendës Kryetari i Gjykatës së Lartë Z. Sokol Sadushi është takuar të martën, datë 26.01.2021, me Ambasadoren e Mbretërisë së Hollandës në Tiranë Zj....

Lajme të tjera

Web TV