Biden nënshkruan tre dokumentet e para

113 563 lexime

106,048FansaPëlqeje

Presidenti Joe Biden nënshkroi tre dokumente në Sallën e Presidentit në Kapitolin e Shteteve të Bashkuara menjëherë pas ceremonisë së betimit, akti i tij i parë zyrtar si presidenti i 46-të.

Presidenti Biden nënshkroi Deklaratën e Ditës së Inaugurimit dhe dokumentet për emërimet në pozicionet e drejtuesve në kabinetin qeveritar.

Nënshkrimet janë pjesë e premtimit të tij të fushatës për të zhbërë shumë nga veprimet e ish-Presidentit Donald Trump gjatë katër viteve të fundit duke nënshkruar një seri urdhrash ekzekutivë në ditën e tij të parë në detyrë.

Në një deklaratë të mërkurën, ekipi i tranzicionit i Presidentit Biden tha se disa nga ato çështje përfshijnë menaxhimin e krizës së koronavirusit, emigracionit dhe ndryshimit të klimës.

Pothuajse menjëherë pas betimit në Kapitol, ndihmësit thanë se Presidenti Biden do t’i jepte fund ndalimit të udhëtimit nga disa vende me shumicë myslimane, do të ndalonte ndërtimin e murit përgjatë kufirit SHBA-Meksikë dhe do të rifuste vendin në Marrëveshjen e Klimës së Parisit dhe Organizatën Botërore të Shëndetësisë.

Zyrtarët e ekipit të tranzicionit gjithashtu thanë se Presidenti Biden do të urdhërojë agjensitë federale të rishikojnë politikat që përforcojnë racizmin në sistem, do të kërkojë nga qeveria federale të mos bëjë diskriminim bazuar në identitetin gjinor ose orientimin seksual dhe do të revokojë një urdhër Trump për të përjashtuar jo-shtetasit nga censusi në Shtetet e Bashkuara.

Presidenti Biden gjithashtu planifikon të përmbushë premtimin e tij të fushatës për të ndihmuar amerikanët në vështirësi financiare të përballen me efektet e pandemisë së koronavirusit. Ai do të zgjasë një pezullim nga qeveria federale të dëbimeve nga shtëpitë dhe do të kërkojë nga agjencitë federale të zgjasin një masë të ngjashme për huatë e strehimit të garantuara nga qeveria federale.

Lexo edhe :  Trondit studimi/ Ekspertët bëjnë paralajmërimin: Varianti i ri i koron*virusit do të përhapet në të gjithë botën

Presidenti i ri gjithashtu do të sigurojë asistencë për studentët me kredi të mëdha arsimore duke vazhduar një pezullim të interesit të kredive federale studentore dhe pagesat e principalit për tetë muajt e ardhshëm.

Ndihmësit thanë se Presidenti Biden do të ndërmarrë dhjetëra veprime të tjera ekzekutive në 10 ditët e ardhshme, ndërsa ai kërkon të ndryshojë drejtimin e vendit pa pritur miratimin e Kongresit.

Sekretarja e Shtypit e Shtëpisë së Bardhë, Jen Psaki, tha se Presidenti Biden do të revokojë ndalimin e Departamentit të Mbrojtjes për personat transgjinorë që të shërbejnë në forcat e armatosura, si dhe një politikë që ndalon financimin amerikan për grupe ndërkombëtare që kryejnë aborte ose që ndihmojnë gratë të marrin shërbime aborti.

Vetëm dy presidentë të fundit nënshkruan urdhra ekzekutivë në ditën e tyre të parë në detyrë, dhe secili nënshkroi vetëm një. Por ndihmësit thanë se ndërsa Presidenti Biden përballet me një pandemi në përkeqësim të koronavirusit, ai është i vendosur të veprojë me një ndjesi urgjence.

/VOA

Të fundit

Serbia i dhuron Maqedonisë së Veriut mijëra doza të vaksinës Pfizer

Presidenti i Serbisë Aleksandër Vuçiç njofton se vendi i tij ka dhuruar Maqedonisë së Veriut mijëra doza të vaksinës...

Fluturimet u anuluan për shkak të motit të keq/ Aeroporti i Rinasit jep lajmin e mirë për pasagjerët

Aeroporti i Rinasit anuloi mbrëmjen e djeshme fluturimet për shkak të motit të keq. Mirëpo tashmë fluturimet kanë nisur normalishte. Në një njoftim Aeroporti...

“Shijoni këtë pamje të mrekullueshme” Yuri Kim ndan foton e Ambasadës Amerikane të mbuluar në dëborë

Ambasadorja Yuri Kim ka ndarë në ‘Twitter’ foton e rezidencës së SHBA-së në Tiranë e cila është e mbuluar me të bardha nga dëbora....

Stuhia e dëborës dëmton rrjetin e shpërndarjes së energjisë, Balla ndjek nga afer punën e OSHEE në Elbasan

Reshjet e dëborës që kanë përfshirë pothuajse gjithë territorin e vendit kanë shkaktuar dëmtime të shumta edhe në rrjetin rrjetin e shpërnarjes së energjisë...

Shkroi “shes votën” në Facebook/ E riu e pëson keq, arrestohet nga policia

Reshjet e shumta të borës kanë shkaktuar vështirësi në qarkullim në disa zona të Kosovës. Në disa fshatra, banorët janë ankuar se e kanë pasur...

Lajme të tjera

Web TV