Stesina për kursin e fizioterapistëve: FSHF po investon në rritjen profesionale

113 563 lexime

106,048FansaPëlqeje

Drejtuesi i Departamentit të Mjekësisë Sportive në Federatën Shqiptare të Futbollit (FSHF), Xhanluka Stesina, ka folur në lidhje me kursin e formimit të fizioterapistëve “Human Tecar”, që do të organizohet nga data 25, deri më 28 janar 2021, si edhe me programin e këtij departamenti në muajt në vazhdim. Në këtë kurs do të ketë lektorë të fushës së mjekësisë sportive, ku përveç Dr. Stesinës marrin pjesë edhe Ilvi Begolli, fizioterapist pranë FSHF-së, Arzen Voci, fizioterapist i Kombëtares A të futbollit si dhe specialisti i “Tecarterapia”, Françesko Fasino.

Duke folur për faqen zyrtare në Internet të organizmit që qeveris futbollin në vend, Dr. Stesina vlerëson nivelin e fizioterapistëve shqiptarë dhe përpjekjet e FSHF-së për të investuar në formimin e tyre profesional, teksa thotë: “E veçanta është se ne kemi aktualisht fizioterapistë shumë të mirë në Shqipëri, të cilët janë të zotë dhe mund të mësojnë të tjerët. FSHF ka menduar që të kontribuojë në rritjen e nivelit profesional të fizioterapistëve, duke investuar në formimin e tyre.”

“Me FSHF-në kemi vendosur të ndërtojmë një program azhornimi për të gjithë fizioterapistët, si ato të ekipeve Kombëtareve, skuadra të kategorisë Superiore dhe të gjithë fizioterapistët shqiptarë, – ka vijuar ai. – Kemi përgatitur së bashku me Ilvi Begollin një program me shumë takime që do të zhvillohen përgjatë vitit në mënyrë që t’u mësojmë pjesëmarrësve përdorimin e teknologjisë së fizioterapisë e më pas të mund të organizojmë një kurs edhe më të gjatë për promovimin e fizioterapisë në Shqipëri.”

Stesina thekson se kursi i parë do të jetë për përdorimin e “Tecarterapia”, që është një pajisje e përhapur shumë, por që kërkon aftësitë e duhura në përdorim. “Kursi i parë është i fokusuar te “Tecarterapia”, që është një pajisje mjaft e përdorur në futboll, që e kanë shumë fizioterapistë, por që nuk dinë ta përdorin mirë, – ka sqaruar specialisti italian. – Së bashku me një specialist italian dhe dy fizioterapistët e Kombëtares nisim këtë kurs për të mësuar fizioterapistët e klubeve shqiptare se si ta përdorin në mënyrën e duhur këtë pajisje.”

Lexo edhe :  Basketboll, Tirana, bindshëm në krye të renditjes së Superligës së Meshkujve

“Në muajin shkurt do të prezantojmë edhe programin e kurseve që do të organizojmë në muajt e ardhshëm, që do të jetë specifik për çdo mjek”, – shton Stesina në prononcimin e tij. Kursi do të jetë i ndarë në dy pjesë: pjesë teorike dhe më pas do të vijojë me pjesën praktike. Në datat 25 dhe 26 janar 2021, kursi do të jetë i hapur vetëm për fizioterapistët e ekipeve kombëtare (meshkuj, femra), Kategorisë Superiore dhe Kategorive më poshtë.
Ndërsa në datat 27-28 janar, kursi do të jetë i hapur për të gjithë studentët, mjekët, fizioterapistët dhe për të gjithë ata që duan të dinë për aplikimin e “Tecarterapisë”.

Numri maksimal i personave që mund të marrin pjesë është 20. Në fund të kursit, pjesëmarrësit do të pajisën me certifikatë nga FSHF-ja dhe “Human Tecar Italia”. Për të gjithë personat e interesuar të cilët duan të regjistrohen në këtë kurs, format e komunikimit janë si më poshtë:

E-mail: drejtoria.teknike@fshf.al
Nr. tel: +355 68 404 0033

Të fundit

Gjithçka në dhomën e diktatorit e paprekur, ja shtrati ku vdiq Enver Hoxha (Foto)

Gjithçka në dhomën e ish-diktatorit ka mbetur ashtu siç ka qenë edhe atëherë kur ai ishte në jetë. Në një...

Izmir Smajlaj nuk arrin në finale të kërcimit së gjati në Evropianin e Sallave të Mbyllura

Atleti shkodran, vetëm 5 cm larg kufirit që siguronte vendin në 8-shen e që do të garojë për medalje. Është mbyllur që në fazën eliminatore...

Shokuese/ Nuk i pranoi të dashurin, babai i pret kokën vajzës dhe shëtit me të nëpër rrugë (Video)

Babai i katër fëmijëve preu kokën e njërës prej vajzave të tij dhe e nxori atë në rrugë. Shkak i këtij veprimi është bërë...

Kujdes, nëse shefi juaj ka këtë shenjë horoskopi, s’do i keni punët mirë

Të jesh një udhëheqës fantastik zakonisht do të thotë një kombinim i gatishmërisë për kompromis, logjikë dhe kujdes të mjaftueshëm për njerëzit e tjerë. Por,...

U bë e famshme me ‘selfien’ me shenjat e maskës në fytyrë, infermierja jep mesazhin emocionues në Sanremo

Në mars të vitit të kaluar, në pikun e pandemisë, fotografia e infermieres Alessia Bonari me shenjat e maskës në fytyrë u bë virale...

Lajme të tjera

Web TV