Vendimi i KQZ, Kurti nuk dorëzohet: S’kemi marrë ndonjë shkresë, unë jam i pari i listës!

113 563 lexime

106,048FansaPëlqeje

Lideri i Lëvizjes Vetëvendosje (LVV), Albin Kurti, ka deklaruar se ende nuk është në dijeni për ndonjë vendim të mundshëm të KQZ-së, përmes të cilit atij i ndalohet të garojë për deputet në zgjedhjet e parakohshme parlamentare të 14 shkurtit.

Ai tha në një takim me gazetarë se, as ai dhe as subjekti politik që drejton nuk kanë marrë ende ndonjë shkresë nga KQZ-ja.

Në pyetjen e gazetarëve për mundësinë e tërheqjes së tij nga lista zgjedhore e Lëvizjes Vetëvendosje, Kurti ka thënë:

“Ju e dini që unë jam bartës i listës dhe këtë me vendim të Këshillit të përgjithshëm të Lëvizjes Vetëvendosje dhe kryesisë së Lëvizjes Vetëvendosje. Institucionet e shtetit duhet ta ndjekin vullnetin e popullit të vetëdijesuar si asnjëherë më parë në Kosovën e pasluftës dhe jo t’i vihen përballë atij”, ka deklaruar Kurti.

Qëndrimi i Kurtit ka ardhur pas deklaratave të zyrtarëve të Komisionit Qendror të Zgjedhjeve, të cilët kanë marrë përgjigjen nga Këshilli Gyqësor i Kosovës, në të cilin thuhet se 15 nga 28 subjektet politike të cilat do të garojnë në zgedhjet e 14 shkurtit, kanë kandidat në listat e tyre zgjedhore, të cilët nuk janë në përputhje me Nenin 29 të Ligjit për Zgjedhjet e përgjithshme.

“Në përgjithësi, janë 47 kandidatë nga rreth 1080, të cilët janë shpallur fajtor për vepër penale me një vendim përfundimtar të gjykatës në 3 vitet e fundit”, ka thënë zëdhënësi i Komisionit Qendror të Zgjedhjeve, Valmir Elezi.

Ai ka theksuar se Zyra për Regjistrim të Partive Politike dhe Certifikim do të përgatitë rekomandimin për aprovimin apo refuzimin e certifikimit të subjekteve politike dhe kandidatëve të tyre dhe se këto rekomandime do të paraqiten në mbledhje të KQZ-së.

Lexo edhe :  Pas lidhjes me 21-vjeçarin, deputetja shqiptare poston foto duke u puthur me një vajzë

Siç ka theksuar ai, këto rekomandimet do të bëhen gati gjatë ditës së mërkurë dhe të enjte, ndërsa KQZ-ja do të marrë vendim më së largu deri më 22 janar.

Elezi gjithashtu ka njoftuar se lidhur me përgjigjen e Këshilli Gyqësor i Kosovës, do të njoftohen subjektet politike, secila prej tyre, në mënyrë që të mund të bëjnë plotësimin e listës me kandidatë të tjerë, në rast se ndonjë kandidat nuk i ka plotësuar kriteret ligjore.

Albulena Haxhiu nga Lëvizja Vetëvendosje, më herët ka shkruar në rrjetin social Facebook se Albin Kurti “gëzon mbështetje shumë të madhe qytetare” dhe “ prandaj qytetarët me të drejtë janë të shqetësuar për tendencat e qëllimshme për largimin nga lista të Albinit”.

Zyrtarët e KQZ-së kanë sqaruar se ka sqaruar se në rast se ndonjë subjekt politik apo kandidat nuk ceritfikohet, ai mund të paraqesë ankesë në Panelin Zgjedhor për Ankesa dhe Parashtresa dhe se çështja mund të shkojë deri në Gjykatën Supreme, nëse pala mund të jetë e paknaqur me vendimin e PZAP-it.

Siç kanë sqaruar ata, periudha e ankesave dhe vendimit, do të përbyllet më 31 janar, ndërkaq më 1 shkurt do të bëhet tërheqja e shortit për renditjen e subjekteve politike në fletëvotimin e këtyre zgjedhjeve.


Të fundit

Çelet ankandi për parqet eolike/ Rama: Po ngjitemi drejt asaj maje që Shqiptarët meritojnë

Kryeministri Edi Rama, përmes një konference shtypi deklaroi se Shqipëria do të shfrytëzojë për energji elektrike, jo vetëm fuqinë...

Befasia e merkatos/ Godet Interi, rrëmben yllin e Milanit

Hakan Çalhanoglu ka vendosur të qëndrojë në Milano, por jo më tek Milani. Turku është thuajse një lojtar i Inter teksa në vijim pritet...

Nuk kishte lekë të paguante biletën, plas sherri mes fatorinos dhe pasagjerit në urbanin e Kamzës (Video ekskluzive)

Një përplasje fizike ka ndodhur mes fatorinos dhe një qytetari në urbanin e Kamzës. Gjithçka ka nisur për arsye se pasagjeri nuk kishte lekë për...

Shqiptari godet me shuplaka baristen e lokalit dhe kërcënon klientët, ja çfarë thotë policia për të

Një shqiptar në Itali, është kthyer në një shqetësim për klientët dhe punonjësit e një bari ku ishte ulur për të konsumuar alkool. Mediat italiane...

Pas lidhjes me 21-vjeçarin, deputetja shqiptare poston foto duke u puthur me një vajzë

Aktorja e njohur, tashmë deputete e Parlamentit të Kosovës, e Lëvizjes Vetëvendosja, Adriana Matoshi, ka marrë vëmendje të madhe nga mediat rozë për shkak...

Lajme të tjera

Web TV