Mit’hat Frashëri e ka pranuar vetë që disa nga të Ballit Kombëtar i kanë lyer duart me gjak. Këtë e përmendi edhe kryeministri Edi Rama në fjalimin e tij te Kodrat e Liqenit artificial gjatë ceremonisë së varrimit të Mit’hat Frashërit. Po a e pranon këtë gjë vetë Balli Kombëtar? Artur Roshi, kryetar i Partisë Balli Kombëtar Demokrat thotë se nuk kanë qenë anëtarë të partisë Balli Kombëtar por simpatizantë që nuk kishin shumë lidhje.
–A i ka lyer duart me gjak në raste të veçanta Balli Kombëtar gjatë Luftës së Dytë Botërore?
-Absolutisht jo!
-E ka thënë Mit’hat Frashëri.
-Nuk ka një dokument që e vërteton këtë.
-E ka cituar dhe Edi Rama në fjalimin e tij te Kodrat e Liqenit.
-Mit’hat Frashëri ka thënë që njerëzit që kanë qenë të organizuar dhe që kanë drejtuar frymën politike të organizatës nuk ka asnjë që të ketë përlyer duart me gjak. Mundt ë kenë qenë segmente të tjera që mund të kenë qenë simpatizantë por jo në strukturat drejtuese.
-Ja ka future kot Mit’hati?
-Jo, jo. Mit’hati ka thënë: Njerëz që na simpatizojnë ne mund të kenë lyer duart me gjak. Por edhe kjo mund të justifikohet sepse nuk janë ata shkaku, ata janë pasoja. Shkaku kanë qenë komunistët.
/Fjala.al/Ke.Ba
