Ndonëse vogëlushja e Ledri Vulës dhe Sara Hoxhës ka një muaj që ka ardhur në jetë, gjyshërit nga ana e babait nuk kanë mundur ende ta takojnë të sapolindurën Poem Blu.
Ajo ka lindur në Gjermani, ku vazhdon të qëndrojë me prindërit, ndërsa gjyshërit e saj ndodhen në Kosovë. Dhe duket se arsyeja për mungesën e këtij takimi është kufizimi i vendosur nga Gjermania, si vende të tjera të Europës, për të mos lejuar hyrjen e qytetarëve që nuk janë pjesë e vendeve të BE-së.
Nëna e Ledrit, Xheraldina, e cila nuk pranoi drejtpërdrejt këtë si shkak, tha në “Live From Tirana” se nuk e ka takuar mbesën për shkak të masave anti-Covid dhe distancimit social. Komunikimi i vetëm mes tyre është ai virtual.
Lidhur me vendosjen e emrit të veçantë ajo thotë: “Unë nuk kisha gisht në vendosjen e emrit të vajzës, doja që vetë mami dhe babi i saj ta merrnin këtë vendim. Ama unë i kam vënë një pseudonimi e thërras me përkëdheli Poi”.