“Janë dy kinezë me temperaturë”! Historia se si zbuloi Italia një vit më parë Covid

113 563 lexime

124,178FansaPëlqeje

“Janë dy kinezë me temperaturë”! Historia se si zbuloi Italia një vit më parë Covid

E Shtunë, 30 Janar 2021, 16:35

30 janari është dita që ndryshoi jetën jo vetëm të Italisë, por të gjithë shteteve të tjera. Si sot një vit më parë në shtetin italian u zbuluan për herë të parë dy turistë kinezë, që rezultuan pozitivë me Covid. Nga laboratorët e spitalit për sëmundjet infektive, arriti konfirmimi: tamponët molekularë ishin pozitivë për koronavirusin misterioz që kishte gjunjëzuar Ëuhan-in. Dy turistë kinezë 60-vjeçarë, profesorë universiteti, të cilët udhëtonin në Itali mes Milanos, Parmës, Firences dhe Romës, ishin të infektuar. Dy turistët kinezë ishin nga Ëuhan. Koronavirusi erdhi në Romë, ato ishin dy rastet e para në Itali.

Mbrëmjen e 30 janarit të 2020-s, një vit më parë, që mund të duket si një jetë më parë, në të njëjtën zyrë në Palazzo Chigi u mblodhën ministri i Shëndetësisë, zëdhënësi i kryeministrit Conte, këshilltari për Shëndetin e Lazio dhe ministrja e Bujqësisë.

Telefonata që zbuloi dy rastet

24 orë më parë një telefonatë mbërriti në qendrën 112: “Këtu në hotelin Palatino, ka dy turistë me temperaturë, janë kinezë”. Operatori i sugjeroi: “Ju lutemi mbajini të izoluar”. Pas disa minutash, një ambulancë tepër e izoluar mbërriti nga Spallanzani, kalimtarët kuriozë shikonin mjekë dhe infermierë duke zbritur të veshur si astronautë. Kishte pasur alarme të rreme edhe në ditë të tjera dhe të tilla situata ishin parë edhe në vende të tjera të Romës.

Në disa dhoma urgjence në kryeqytet, dikush kishte varur një hartë me provincën e Hubei të rrethuar me të kuqe, sepse ende besohej se koronavirusi mund të sillej vetëm nga udhëtarët nga ato anë. Në realitet, ajo që më vonë do të quhej Sars-CoV-2, tashmë kishte qarkulluar në Itali për të paktën dy muaj, veçanërisht në Lombardi, ndoshta duke arritur përmes Gjermanisë. Kur ambulanca ndaloi përpara Hotel Palatino, shpresohej se mund të ishte një tjetër alarm i rremë. Por nuk ishte kështu.

Ndërkohë në Palazzo Chigi u shpjegua se një autobus i mbushur me turistë kinezë ishte ndaluar në Cassino, që kishin ndarë një pjesë të udhëtimit në Itali me dy bashkatdhetarët e infektuar. Kryeministrit Giuseppe Conte citohet të ketë thënë: “Duhet t’u tregojmë italianëve gjithçka, nuk mund ta fshehim këtë gjë”.

Lexo edhe :  "I shtyrë deri në kufi": ishulli i vogël grek në pamjet e kontrabandistëve të njerëzve

Ndalohet fluturimet me Kinën

Në orën 22:00 të konferencës për shtyp u vendos të ndërpriteshin të gjitha fluturimet direkte nga Kina, në Romë në atë kohë kishte gjithashtu një lidhje Fiumicino-Ëuhan. Nuk shërbeu për gjë bllokimi i fluturimeve, pasi në të vërtetë virusi ishte tashmë në Itali, por duhej bërë. Do të zbulohej se dy turistët kinezë, të cilët gjithmonë kishin mbajtur maskë, gjatë udhëtimit në Itali nuk kishin infektuar askënd, madje as grupin e ndaluar në Cassino, madje as shoferin e tyre personal. Një nga misteret e shumta të sistemit të transmetimit të këtij virusi.

 

Në Evropë më herët kishte disa raste që ishin raportuar si të dyshuara. Të dy turistët kinezë, pasi përfunduan në kujdesin intensiv, u përmirësuan, kaluan ditët duke pirë çajin jeshil që stafi i Spallanzani u dha dhe duke lexuar mesazhet, të shkruara në një fletë letre të vendosur në gotën e dhomës së izolimit, nga vajza e tyre që erdhi nga Los Angeles.

 

Një muaj pas konferencës për shtyp të Conte-s dhe 10 ditë pas rastit të parë në Codogno, një polic nga Pomezia u zbulua pozitiv. Ishte fillimi i marsit dhe mediat duke respektuar privatësinë, tregonin historitë e të infektuarve. Pas disa javësh nuk ishte më e mundur, nga historitë u kalua tek numrat, numërimi i të infektuarve.

 

Të dy turistët kinezë u kthyen në Wuhan, shkruan një letër falënderimi prekëse dhe dhanë një donacion për spitalin Spallanzani për ndihmën që morën. Nëse Roma, të paktën në valën e parë, arriti të kufizonte dëmin, kjo ishte gjithashtu për shkak të përvojës së fituar me dy pacientët e parë në Wuhan. Nëse Roma parandaloi shpërthimin e epidemisë në spital, si në Codogno, kjo ishte gjithashtu falë përpikmërisë së sportelistit të hotelit, i cili telefonoi 112 duke treguar se ishin dy turistë nga Wuhan-i.

Të fundit

Shtatzënia përshpejton plakjen, por ja çfarë ndhodh pas lindjes

Ndryshimet e thella fizike, hormonale dhe kimike që lidhen me shtatzëninë mund të bëjnë që ora e plakjes të kthehet më...

“Eglën e njoh shumë mirë…”/Hygerta Sako zbulon detaje për banoren jashtë shtëpisë së BBV

ot e ftuar në emisionin “Big Brother Radio” ka qenë gazetarja Hygerta Sako, për të bërë një analizë të lojës së banorëve dhe për...

Aktiviteti elektoral i presidentit Biden me ish-presidentët Obama e Clinton,shënon rekord

Shuma e dhurimeve është një demonstrim i mbështetjes së demokratëve për presidentin Biden në një periudhë kur anketimet vazhdojnë të tregojnë nivele të ulëta...

Ngacmimet nga interneti/ Tirana në vend të parë për numrin e denoncimeve

Bullizimi dhe dhuna përmes rrjeteve sociale po përhapet edhe në qytete të vogla. Kuçova, është qyteti i dytë pas Tiranës që ka raportimet më...

“Plas lufta” në burgjet e Ekuadorit/ Shkaktohen trazira, qindra të vrarë në pak kohë

Ky lajm u njoftua nga qeveria, ku zëvendësministri i sigurisë Lyonel Calderon tha se numri ishte i përkohshëm, pasi do të bëjnë një shqyrtimi...

Lajme të tjera

Web TV