Reshjet e shiut që kanë rënë ditët e fundit vijojnë të shkaktojnë probleme në vendin tonë. Së fundmi, Autoriteti Rrugor Shqiptar ka treguar akset më problematike.
Sipas ARRSH-së, aksi Elbasan-Fushë Labinot ka pasur rënie gurësh por pas pastrimit të tyre, qarkullimi është i mundur.
Në aksin e Valbonës, në Kuben-Vasije, në Kukës- Bushtricë dhe në Peshkopi-Qafë Drajë, ka pasur rënie të inerteve.
Qarkullimi vazhdon normalisht në të gjitha akset, por drejtuesit e mjeteve të udhëtojnë me kujdes për shkak të reshjeve, të ulin shpejtësinë dhe të respektojnë sinjalistikën rrugore.
