Familja e një të riu shqiptar që ka ndërruar jetë në Spanjë është tronditur, pas ekspertizës së bërë nga Instituti i Mjekësisë Ligjore. Burime për median mësojnë se atij i mungonte zemra, e për pasojë mësohet se Prokuroria e Tiranës ka nisur hetimet për “Shit-blerjen e paligjshme të organeve njerëzore”.
Bëhet fjalë për të riun e identifikuar Saimir Sula, i cili ka ndërruar jetë para disa ditësh në Barcelonë. Autoritet spanjolle kanë sekuestruar kartelën mjekësore të të riut, në të cilën nuk është specifikuar që i mungon zemra. Si rrjedhojë janë vënë nën hetim 4 mjekë. Hetimet janë përqendruar në motivet e vdekjes së të riut dhe transportin e tij nga Spanja drejt Shqipërisë.