Një grua që lindi ndërsa ishte në gjendje kome pasi po luftonte me Covid-19 tre muaj pas lindjes, u kthye në shtëpi dhe takoi për herë të parë vajzën e saj.
Historia e Kelsey Townsend vjen nga Wisconsin, një nënë 32- vjeçare e tre fëmijëve të tjerë.
Sipas asaj që është rindërtuar nga media amerikane, vetëm disa ditë më parë Kelsey u takua me Lucy-n e saj: një takim i cili nuk i ka shpëtuar një fotografi i cili publikoi foto të familjes në faqen e saj në Facebook.
Nëna ishte në muajin e saj të nëntë të shtatzënisë kur doli pozitive me Covid tetorin e kaluar. Ajo kishte nevojë për shtrim në spital për pneumoni dhe përfundoi në një gjendje kome.
Dhe ndërsa ajo ishte në koma, lindi Lucy-n e vogël, e cila rezultoi negative nga virusi. Foshnja, e lindur e shëndetshme, shpejt shkoi në shtëpi, por në javët pas lindjes, nëna e saj ishte akoma në spital e lidhur me një aparat ventilator.
Vetëm në 27 janar, tre muaj më vonë, Kelsey u largua përfundimisht nga spitali dhe ishte në gjendje të mbante fëmijën e saj për herë të pare në krah.
“Ne jemi shumë mirënjohës dhe me fat që jemi të gjithë në shtëpi, që kemi Kelsey në shtëpi dhe mezi presim të shohim se çfarë do të sjellë e ardhmja”, ishin fjalët e burrit të saj Derek i cili gjithashtu tha se nuk kishte siguri që gruaja e tij mund të kapërcente sëmundjen.
Nëna e re, e cila tha se ishte “mirë” teksa mbante në duar vajzën e saj, u shprehu mirënjohje punonjësve të shëndetësisë: “Unë jam shumë mirënjohëse që jam gjallë dhe mirë dhe që jam në shtëpi me vajzën time, Lucy, dhe të jem me fëmijët e tjerë, Peyton, Beaux dhe Faith”.
