Alban Bushi rikonfirmohet tek Shpresat, por ka risi tek grupmoshat e tjera. Federata Shqiptare e Futbollit ka vendosur për emrat e trajnerëve të ekipeve Kombëtare të moshave. Zyra e Shtypit në FSHF ka bërë të ditur se Alban Bushi konfirmohet në këtë post dhe do të jetë sërish trajner i ekipit kombëtar të Nën-21-vjeçarëve.
Ndërsa, ekipin kombëtar të Nën-20-vjeçarëve do ta drejtojë tashmë trajneri i ri, Ilias Haxhiraj. Trajneri i ri i ekipit kombëtar të Nën-19-vjeçarëve është një emër i njohur si Armando Cungu, i cili në fakt vjen edhe si e papritur, kurse ekipin e grupmoshës së Nën-18-vjeçarëve do ta drejtojë vlonjate Ardi Behari.
Risia tjetër është emërimi i Ervin Bulkut si trajner i Kombëtares së Nën-17-vjeçarëve. Ish-futbollisti i njohur ka qenë së fundmi edhe pjesë e stafit teknik të Kombëtares së të rrituve dhe një nga ndihmësit e trajnerit Edoardo Rejs. Gjithashtu, risi ka edhe për stolin e ekipit kuqezi të grupmoshës së Nën-16-vjeçarëve, që do të ketë si trajner Agron Kërçovën.
Një tjetër konfirmim është ai i Armand Damës, i cili do të vazhdojë jetë trajner i Kombëtares së Nën-15-vjeçarëve. Trajnerët e ekipeve Kombëtare ishin në skadencë kontrate dhe pas një procesi konsultimi Federata Shqiptare e Futbollit mori vendimin përfundimtar, duke konfirmuar dy prej tyre dhe duke emëruar trajnerë të rinj në 5 ekipet e tjera.
