Kupa e Spanjës/ Mbyllen çerekfinalet, njihen 4 gjysmëfinalistet

113 563 lexime

124,178FansaPëlqeje

Mbyllen çerekfinalet, 3 nga 4 sfidat u sollën drejtpërdrejt në Rrjetin e RTSH-së. Pas ka mbyllur javën e shkuar turin e 16-shes, duke kualifikuar për më tej 7 skuadra janë nga Primera Divizion dhe vetëm një nga Segunda Divizion, Kupa e Spanjës, e njohur ndryshe edhe si Kupa e Mbretit, ka luajtur përgjatë 3 ditëve të mesjavës takimet e çerekfinaleve. Siç dihet, kjo veprimtari është një tjetër ekskluzivitet madhor i Rrjetit të Radio-Televizionit Shqiptar, i cili ka sjellë përballjet më të spikatura të çerekfinaleve.

Të martën, skuadra e vetme që kishte mbetur nga niveli i dytë i futbollit spanjoll, Almeria, e cila pati mposhtur pas goditjes së 11-metërshave Osasunën, pasi koha e rregullt dhe shtesat u mbyllën me rrjeta të paprekura, nuk ka arritur të shtangë edhe Seviljen, e cila pati mundur bindshëm Valencian në turin e 16-shes, me 3 gola të shënuar në pjesën e parë. Ky duel i parë i çerekfinaleve që erdhi në kanalin RTSH Plus në mbrëmje, u fitua nga Sevilja me një gol të vetëm në pjesën e dytë.

Të mërkurën, të dyja takimet kanë shkuar në shtesë  dhe, më herët, duke nisur nga ora 19:00, është luajtur përballja Levante-Vijareal, e cila është fituar nga skuadra vendase, me një gol të vetëm të shënuar në skajet e 120 minutave, teksa gjithçka po i drejtohej lotarisë së 11-metërshave. Ndërkaq takimi tjetër, që u luajt më vonë në mbrëmje të mërkurën, midis Granadës dhe Barcelonës, që u soll për sportdashësit drejtpërdrejt në kanalin RTSH Sport, ka qenë mjaft dramatik.

Kjo, pasi vendasit kanë kryesuar me dy gola deri në minutën e 88-të, por katalanët kanë barazuar gjithçka brenda pak minutash, duke e çuar gjithçka në dy pjesët shtesë nga 15 minuta secila. Një gjysmëorësh që ka rezultuar po aq dramatik, pasi janë shënuar edhe 4 gola të tjerë, një për vendasit dhe 3 për Barcelonën, që fiton me shifrat 5-3 dhe siguron vendin në gjysmëfinale. Ndërkaq, takimi i fundit i çerekfinaleve ishte ai i së enjtes në mbrëmje, midis Real Betisit dhe Atletik të Bilbaos.

Lexo edhe :  Përmbysje spektakolare ndaj Islandës, Mudryk dërgon Ukrainën në EURO 2024

Takim që gjithashtu erdhi për sportdashësit drejtpërdrejt në RTSH Sport, që gjithashtu shkoi në shtesë. Real Betisi, që pati mposhtur Real Sociedadin, por vetëm në shtesë, me shifrat 3-1, në turin e 16-shes, kaloi në epërsi në minutën e 84-t, me anë të Huanmisë, por skuadra baske që i pati dhënë fund aventurës në Kupë të Alkojanos, skuadrës modeste që eliminoi nga kjo veprimtari Realin e Madridit, barazoi shifrat në minutën e 4-t shtesë të kohës së rregullt.

Kështu, gjithçka iu drejtua dy pjesëve shtesë nga 15 minuta secila, që nuk kanë sjellë gola të tjerë, duke e çuar fatin e ndeshjes të vendoset nga pika e bardhë e 11-metërshave. Aty ku baskët tregohen më të saktë, duke realizuar 4 goditje radhazi, përballë Betisit, që realizon vetëm një goditje të saktë dhe Atletik e Bilbaos shkon kështu në gjysmëfinale.

Kupa e Spanjës

Çerekfinalet:

Të martën, 2 shkurt 2021:

Almería – Sevilja                                0-1

Shënues: L. Okampos 67’

Të mërkurën, 3 shkurt 2021:

Levante – Vijareal                             1-0

Shënues: Rozher Martí 120’

Granada – Barcelona       3-5

Shënues: Kenedi 33’, Soldado 47’, Fede Viko 103’(11-m.) / Griezman 88’, Zhordi Alba 90’, 113’, Griezman 100’, F. de Jong 108’

Të enjten, 4 shkurt 2021:

Real Betis – Atletik Bilbao              1-1          (4-1 pas 11-m.)

Shënues: Huanmi 84’ / Raul Garsia 94’

Të fundit

Blerina Bala kryetare e komanduar, analisti bën paralajmërimin e bujshëm: Nëse Beleri…

Këshilli Bashkiak i Himarës, me 15 vota pro dhe 4 kundër komandoi Blerina Balën si drejtuese të bashkisë Himarë. Juristi...

E keni menduar ndonjëherë? Zbuloni çfarë i ndodh trupit nëse konsumoni çdo ditë supë

Edhe pse supa konsiderohet si një ushqim i mirë për rastet kur keni temperaturë ose ndonjë sëmundje tjetër, duhet të dini se kjo varet...

U pështy në fytyrë, Tavo: Interesat e vogla kanë marrë peng komunutetin himariot

Prefekti i qarkut të Vlorës, Vangjel Tavo u përball me një incident në mbledhjen e Këshillit Bashkiak ku do zgjidhej drejtuesja e komanduar e...

Diabeti, ndotja e ajrit dhe konsumimi i alkoolit 3 faktorët e rrezikut të demencës

Diabeti, ndotja e ajrit dhe konsumimi i alkoolit mund të jenë faktorët më të mëdhenj të rrezikut të demencës, sipas një studimi të ri. Studiuesit...

U zgjodh të drejtojë Bashkinë e Himarës, reagon për herë të parë Blerina Bala

Blerina Bala ka bërë reagimin e parë pas zgjedhjes nga Këshilli Bashkiak si kryetarja në detyrë e Bashkisë Himarë, e cila do ta mbajë...

Lajme të tjera

Web TV