Maqedonia e Veriut do të nënshkruajë nesër një marrëveshje me autoritetet kineze për blerjen e 200 mijë vaksinave kundër Covid-19.
Ministri i shëndetësisë, Venko Filipçe bëri të ditur se dozat e kompanisë “sinofarm”, pritet të arrijnë në shkup këtë muaj.
Maqedonia e veriut është vendi i dytë në rajon, pas serbisë, që do të përdorë vaksinën kineze.
Pikat e shpërndarjes do të funksionojnë me kapacitet maksimal, ku pritet të injektohen deri në 2500 persona në ditë.
Sipas njoftimit, dozat e sinofarm mund të ruhen në një temperaturë prej 2 deri në 8 gradë celsius duke lehtësuar transportin, ruajtjen dhe shpërndarjen e saj.
