Ditën e sotme, do të nisë procesi i vaksinimit anti-COVID në qytetin e Shkodrës. Vaksinimi do të bëhet në Pallatin e Sporteve dhe do të jenë bluzat e bardha që do të marrin dozën e parë. I pranishëm është edhe kryeministri Edi Rama. Kjo vizitë e paralajmëruar e Ramës, ka mobilizuar fermerët e Nënshkodrës të cilët janë mbledhur për të protestuar, por pas vizitës së Ramës, ato nuk reaguan.
Ndërkohë pas Shkodrës, radhën e ka Vlora, ndërsa mësohet se janë bërë gati ambientet.
Shtëpia e të moshuarve në Shkodër do të jetë e para ku do të nis procesi i vaksinimit për të moshuarit. Lajmin e dha ministrja e Shëndetësisë, Ogerta Manastirliu, teksa ishte në Shkodër.
