“Të mbushur me alienë”/ Çudisin shkencëtarët: Mund të jenë miliona planetë në Rrugën e Qumështit

113 563 lexime

124,178FansaPëlqeje

Rruga e qumështit mund të jetë plot me botë shkëmbore të mbuluara me oqeane uji dhe kontinente, të ngjashme me Tokën, duke rritur mundësinë që galaktika të jetë e mbushur me jetë aliene, pretendon një studim.

Të gjithë planetët shkëmbor brenda galaktikës mund të kenë të njëjtat ‘blloqe’ ndërtimi në thelbin e tyre, fillimisht duke u formuar me grimca të vogla akulli dhe karboni, sipas studiuesve nga Instituti Globe në Universitetin e Kopenhagës.

Që një planet të ketë jetë, siç e njohim ne, uji i lëngshëm duhet të jetë i pranishëm, por teoritë aktuale sugjerojnë se ai mbërriti të Tokë rastësisht, nga një kometë e largët e akullt.

Tani, shkencëtarët danezë thonë se uji ishte aty që nga fillimi dhe e njëjta gjë vlen edhe për Venusin dhe Marsin, të dy planetët mund të kenë pasur ujë sipërfaqësor në të kaluarën e largët.

Duke përdorur një model kompjuterik, Andres Johansen dhe ekipi i tij, llogaritën që një planet rreth një ylli të ri mund të fillojë formohet nga guralecët e akullit pas rreth 5 milionë vjetësh.

Studimi tregon se ishin grimca të akullit dhe karbonit, të cilat dihet se rrotullohen rreth të gjithë yjeve të rinj në Rrugën e Qumështit, që 4.5 miliard vite më parë u grumbulluan në formimin e asaj që më vonë do të bëhej Toka.

“Të gjitha të dhënat tona sugjerojnë se uji ishte pjesë e ‘blloqeve’ ndërtimore të Tokës që nga fillimi”, tha profesor Johansen, duke shtuar se pika vendimtare nëse uji i lëngët është i pranishëm, është distanca e planetit nga ylli i tij.

“Prandaj ekziston probabiliteti që kjo të zbatohet për të gjithë planetët në Rrugën e Qumështit”, tha ai.

Lexo edhe :  Të mungon dikush? Si ta përballosh ndjesinë e vetmisë

Teoria, e quajtur ‘mbledhje guralecësh’, thotë se planetët formohen nga guralecë që grumbullohen së bashku, dhe që planetët më pas rriten gjithnjë e më të mëdhenj.

“Deri në pikën ku Toka ishte rritur në 1% të masës së saj aktuale, planeti ynë u rrit duke kapur masa guralecësh të mbushur me akull dhe karbon”, tha Johansen.

Toka atëherë u rrit më shpejt dhe më shpejt derisa, pas pesë milion vjetësh, u bë aq e madhe sa e njohim sot dhe gjatë rrugës, temperatura në sipërfaqe u rrit ndjeshëm.

Akulli në guralecë filloi të avullojë gjatë zbritjes në sipërfaqe ndërsa nxehej, kështu që, sot, vetëm 0,1% e planetit përbëhet nga uji, edhe pse 70% e sipërfaqes së Tokës është e mbuluar nga uji, shpjeguan autorët.

Të fundit

Kriteret e pranimit në Mjekësi, në vitin e ri akademik

Universiteti i mjekësisë shpall kriteret e pranimit për maturantët që duan të nisin studimet për mjekësi në tetor. Zhurma e...

A do mbetemi pa çokollatë?/ Çmimi i kakaos arrin vlerën më të lartë në histori

Çmimi i kakaos është rritur me shpejtësi gjatë muajve të fundit. Një ton kakao të martën arriti vlerën e mbi 10.000 dollarë në treg,...

Binjaku i tij martohet sot, çfarë po përgatit Donaldi për Romeon? (FOTO)

Sot në darkë në shtëpinë më të famshme në Shqipëri, “Big Brother VIP3”, do të ketë dasmë. Vëllai i Madh u ka kërkuar banorëve...

Tensionet në Himarë/ Rama: Zgjedhja e Blerina Balajt, zhvillim pozitiv

Kryeministri Edi Rama ka reaguar për zgjdhjen e Blerian Balajt për drejtimin e Bashkisë Himarë. Në një postim në rrjetet sociale, Rama nënvizon se zgjedhja...

Mënyra për të përfituar pension për të moshuarit që nuk figurojnë në regjistra

Indeksimi i pensioneve këtë vit pritet që të bëhet në muajin tetor. Në tetor pensionistët do të marrin ca para më tepër në pagesën...

Lajme të tjera

Web TV