Ky është biznesmeni i vrarë sot te Piramida, Behar Seferi ka qenë i përfshirë për vite me radhë në trafikun e heroinës mes Turqisë dhe Shqipërisë.
Behar Seferi (Sofia), kishte nën posedim 4 emra, të cilët i ka përdorur që prej vitit 1998. Por cilat janë dyshimet e fundit? Viktima ishte nën hetim nga SPAK, (Prokuroria e Posaçme) për trafik heroine dhe pastrim parash. Ai ishte në vëzhgim nga prokuroria si pjesë e një grupi që trafikon heroinë.
Ditën e sotme, ka dyshime se ai mund të jetë nxjerrë në pritë, pasi lëvizte në këmbë, në trotuarin në krah të lumit të Lanës, kur është qëlluar me një armë sileniciatore.
Ndonëse ai u transportua në spital, nuk mundi t’i mbijetonte plagëve të marra. Aktualisht policia po heton në lidhje me zbardhjen e ngjarjes si dhe identifikimin dhe kapjen e autorëve.
/Fjala.al