Një aksident tragjik ka ndodhur në orët e vona të mbrëmjes së kaluar në Kodër-Kashar, ku kanë humbur jetën 3 pasagjerë.
Makina e drejtuar nga 27-vjeçari Z.M., ka dalë nga rruga mbrëmë rreth orës 23:30, dhe si pasojë kanë humbur jetën 3 pasagjerët që ndodheshin në këtë mjet
Fatkeqësisht kanë ndërruar jetë Isail Sula, Lulzim Sula dhe Dashamir Dema . Ndërsa Zija Murati ka qenë shoferi i makinës i cili ndodhet në spital, nën kujdesin e mjekëve.
Policia ka shkuar në vendin e ngjarjes dhe vijon hetimet për zbardhjen e saj.
Njoftimi i policisë:
Në kodër-kashar, rreth orës 23:30, shtetasi Z. M., 27 vjeç, ka humbur kontrollin e mjetit duke dalë nga rruga.
Si pasojë kanë ndërruar jetë 3 pasagjerë në këtë mjet shtetasit me iniciale L. S., I. S dhe D. D., ndërsa drejtuesi i mjetit ndodhet në spital, nën kujdesin e mjekëve.
Vijon puna nga grupi hetimor dhe sherbimet e Policisë për sqarimin e rrethanave të ngjarjes.
