20 persona janë shoqëruar në policinë e Durrësit, në lidhje me vrasjen që ndodhi mëngjesin e sotëm, ku u ekzekutua Edmond Koçi, ose siç njihej ndryshe Mond Çekiçi, anëtar i bandës së Durrësit.
Bëhet me dije se personat e shoqëruar po merren në pyetje në lidhje me ngjarjen në fjalë.
Në lidhje me ekzekutimin e Edmond Çekiçit ka folur edhe një nga fqinjet e tij. Ajo shprehet se në fillim dëgjuan krisma kallashnikovi dhe pas pak filluan prapë pa pushim. Sipas saj autorët zbrazën dy karikatorë mbi të.
“Ka dy fëmijë, këtu ka një shtesë këtu herë jetonte, e herë jo nuk e ka përfunduar se ka pula e rosa andej nga mbrapa. krismat i dëgjuam. Dëgjuam dy herë kallashnikov, pastaj filloi prapë punë minutash, 2 karikator pa pushim, pastaj nuk dimë gjë”, tregon fqinja.
Kujtojmë që Edmond Koçit ditën e sotme iu bë atentat nga disa persona ende të paidentifikuar. Shoferi i tij ka qenë dëshmitar i ngjarjes dhe u ka treguar efektivëve të Policisë gjithë dinamikën e saj. Atentatorët i kanë prerë rrugën Koçit dhe shoferit të tij. Kur Mond Çekiçi ka dalë nga makina për të sqaruar ngjarjen, ai është ekzekutuar.
