Kryeministri Edi Rama i ka dërguar një letër urimi, kryeministrit të ri të Kosovës, Albin Kurtit.
Teksa e uron për zgjedhjen në krye të qeverisë së Kosovës, Rama i kërkon Kurtit intensifikimin e marrëdhënieve në mes të shteteve, si dhe për luftimin e pandemisë Covid-19.
“Duke riafirmuar vendosmërinë time dhe të Qeverise që unë kryesoj për t’i zgjedhur e intensifikuar më tej marrëdhëniet tona, unë besoj fort se tashmë ekzistojnë të gjitha mundësitë dhe potencialet për ndërmarrje të rëndësishme e projekte të guximshme në shumë sektorë, përfshirë përballjen e përbashkët me COVID-19. Këto ndërmarrje do t’i kontribuojnë përmirësimit të jetës dhe përparimit e integrimit më të shpejtë të shqiptarëve”, ka shkruar Rama.
Më tej ai shkruan se beson në ekipin qeverisës të Kurtit për t’i kapërcyer me sukses sfidat me të cilat përballet Kosova, ndërsa e fton Kurtin të vizitojë Shqipërinë.
“Unë mbetëm gjithashtu besimplotë se ju dhe ekipi juaj qeverisë do t’i kapërceni me sukses sfidat me të cilat përballet Republika e Kosovës në përparimin e saj të gjithanshëm demokratike integrues në rajoni dhe më gjerë, drejt rrugëtimit të saj euroatlantik”, shkruhet në letrën e Ramës dërguar Kurtit.
Kohët e fundit raportet mes kryeministrit Edi Rama dhe Albin Kurtit, kaluan një stinë të ftohtë.
Më poshtë letra e plotë: