Detaje të reja nga arrestimi i babait të Arbër Çekajt/ Ja çfarë u tha ai policëve

113 563 lexime

106,048FansaPëlqeje

Detaje të reja dalin në dritë nga operacioni që çoi në sekuestrimin e 49 kilogramëve kokainë, që ishte fshehur mes bananeve në portin e Durrësit, në pronësi të Selim Çekajt, i cili u arrestua nga ana e Policisë.

Burime bëjnë me dije se 72-vjeçari Selim Çekaj është shprehur se ai ka porositur vetëm banane, dhe i takon Policisë që të zbulojë se kush e ka vendosur kokainën në kontenierët me fruta.

“Gjejeni ju se kush e ka futur drogën, unë jam tregtar frutash”, mësohet se është shprehur në Polici Selim Çekaj.

Operacioni i Policisë është koduar me emrin “Mersin” duke iu refeuar portit në Turqi nga ku është nisur kontenieri me banane.

Mësohet se kokaina ishte e ndarë në 31 pako, e cila ishte vendosur në muret e jashtme të kontenierit me banane. Burimet bëjnë me dije se kontenieri i bananeve ka dalë me pullë të kuqe gjatë kontrollit në port, ndërsa Selim Çekaj ka kërkuar që ai të hapej.

Operacioni në vendin tonë është kryer nga drejtoria e Policisë së Shtetit në mbështetje dhe nga drejtoria e doganave.

Mësohet se Selim Çekaj është mbajtur për rreth një muaj në vëzhgim nga ana e Policisë, ndërkohë që historia përsëritet, pasi njësoj si djali i tij Arbëri, ai pretendon se ka përgjegjësi vetëm për ngarkesën me banane, dhe jo se çfarë është vendosur në kontenier.

Vetë Arbër Çekaj i ka mohuar vazhdimisht akuzat dhe ka apeluar vendimin e dhënë nga GJKKO me 14 vite burg, por duket se arrestimi i të atit të tij, po për kokainë, nuk i shërben aspak justifikimit të tij se është i pafajshëm.

Procesi ndaj Arbër Çekajt ka marrë një vëmendje mjaft të madhe në vendin tonë, ku seancat në ngarkim të tij janë ndjekur dhe nga përfaqësues të ambasadës amerikane në vendin tonë, ndërsa Donald Lu e konsideroi biznesmenin e bananeve një ”peshk të madh”.

Lexo edhe :  Ndryshime në policinë e shtetit, këto janë emrat që lëvizin

Policia njofton se gjatë kontrollit të imtësishëm të ushtruar në disa kontenierë në portin e Durrësit, u bë e mundur që në njërin prej tyre, i cili ishte i ngarkuar me banane dhe ishte nisur nga Ekuadori me destinacion Shqipërinë, për llogari të një firme me qendër në Maminas, me administrator Çekaj, të gjendej dhe sekuestrohej në cilësinë e provës materiale rreth 49 kilogramë lëndë narkotike e dyshuar kokainë.

Nën drejtimin e Prokurorisë së Rrethit Gjyqësor Durrës, vijon puna për dokumentimin e plotë të kësaj ngjarjeje, identifikimin dhe kapjen e autorëve të tjerë të përfshirë në këtë veprimtari kriminale.


Të fundit

Aksident tragjik në qytetin shqiptar, makina përplas për vdekje këmbësorin 73-vjeçar

Një aksident i rëndë ka ndodhur në Tetovë ku shtetasi me inicialet J.K, 73 vjeç ka mbetur i vdekur...

Po filmonte dhunën në Rripin e Gazës, papritur gjen vëllezërit e tij pa shenja jete, video prekëse

Një palestinez me emrin Muhammed al-Mensi, nga fillimi i sulmeve izraelite po filmon gjithçka duke munduar të dokumentojë dhunën në Rripin e Gazës. Gjatë...

Dhimbje pa fund/ Publikohen foto të reja, nëna përcjell të bijën që ja vranë grabitësit

“The Guardian” ka publikuar pamje të tjera nga varrimi i 20-vjeçares Carolina Crouch, e cila u vra gjatë një grabitjeje të ndodhur në banesën...

Skena të dhunshme në aeroport, ka persona të plagosur rëndë, arrestohen 17 persona (VIDEO)

Skena të dhunshme shpërthyen në zonën pas ajrit të sigurisë në Aeroportin Luton në Londër ku u plagosën 3 persona dhe u arrestuan 17...

Me gishtin e mesit në sfond, Stresi nuk përmbahet ndaj Serbisë: Vuçiç, ti na u ktheve me armë

Arkimed Lushaj, i njohur me emrin e artit si Stresi është shumë aktiv në rrjetet sociale, ku reagon gjithmonë për çështje që e shqetësojnë. Së...

Lajme të tjera

Web TV