Vidhte lekët e ndihmave për fëmijët në nevojë, kjo është mashtruesja 24-vjeçare në Tiranë (Emri)

113 563 lexime

106,048FansaPëlqeje

Një 24 vjeçare ka përfunduar në prangat e Policisë së Shtetit në kuadër të një operacioni të koduar “Kameleonët 2”, ndërsa dy shtetas të tjerë janë shpallur në kërkim.

Policia bën me dije se ata kishin ngritur një skemë mashtrimi kompjuterik për përfitimin e shumave të ndryshme monetare nga të gjithë shtetasit shqiptarë, të cilët kontribuonin për të ndihmuar fëmijë me probleme shëndetësore.

Në pranga përfundoi Anisa Hamati, 24 vjeçe, banuese në Tiranë, ndërsa u shpallën në kërkim shtetasit me iniciale A. M., 34 vjeç dhe S. N., 37 vjeç, të dy banues në kryeqytet.

Për disa muaj, këta shtetas kishin krijuar profile të rreme në rrjetet sociale duke kërkuar donacione për fëmijë me probleme shëndetësore apo në gjendje të vështirë ekonomike.

Një ditë më parë, policia arrestoi 6 persona në Pogradec po në kuadër të këtij operacioni, të akuzuar për skemë mashtrimit kompjuterik.

“Këta persona vendosnin në dispozicion të shtetasve të interesuar, llogari bankare apo të dhëna shtetasish të cilët do të ishin përfitues të donacioneve, duke i tërhequr ato në institucione të ndryshme financiare. Tërheqja bëhej nëpërmjet profileve të rrjeteve sociale me të dhëna të rreme, por dhe dhënies së të dhënave të rreme për dërgimin e donacioneve, me qëllim që të mos gjendeshin në rast se organet ligjzbatuese do të viheshin në dijeni të këtij aktiviteti kriminal”, sqaronte policia.

Njoftimi:

Vijojnë operacionet e njëpasnjëshme për parandalimin dhe goditjen e veprimtarisë kriminale në fushën e krimeve kibernetike.

Finalizohet operacioni policor i koduar “KAMELEONËT 2”, në vijim të operacionit të koduar “KAMELEONËT”, i zhvilluar dy ditë më parë.

Operacioni nga Njësia për Hetimin e Krimeve Kibernetike në Departamentin e Policisë Kriminale dhe DVP Tiranë, në bashkëpunim me Prokurorinë e Rrethit Gjyqësor Tiranë.

Vihet në pranga 1 shtetase, shpallen në kërkim 2 shtetas të tjerë.

Në kuadër të një procedimi penal në ndjekje dhe duke vlerësuar maksimalisht situatën kriminale të krijuar, Njësia për Hetimin e Krimeve Kibernetike, në bashkëpunim me Prokurorinë e Rrethit Gjyqësor Tiranë, ka kryer hetime gjithëpërfshirëse në lidhje me verifikimin dhe ndjekjen penale të disa shtetasve, për veprat penale “Mashtrimi kompjuterik” dhe “Falsifikimi kompjuterik”.

Pas kryerjes së hetimeve, Njësia për Hetimin e Krimeve Kibernetike ka ekzekutuar urdhrin e ndalimit të lëshuar nga Prokuroria e Rrethit Gjyqësor Tiranë për shtetasen A. H., 24 vjeçe, banuese në Tiranë.

Lexo edhe :  Masakroi me thika pensionistin e pasur grek, prifti në Shqipëri bind Eduard Lekën të rrëfehet

Ndërsa 2 shtetas të tjerë u shpallën në kërkim:

M., 34 vjeç dhe S. N., 37 vjeç, të dy banues në Tiranë.
Materiali hetimor i ndjekur nga Njësia për Hetimin e Krimeve Kibernetike kishte të bënte me dyshime të arsyeshme se këta shtetas, në bashkëpunim me njëri-tjetrin, kanë kryer veprime për ngritjen e një skeme të mashtrimit kompjuterik, me qëllim përfitimin e shumave të ndryshme monetare nga të gjithë shtetasit shqiptarë ose jo, të cilët kanë qenë të interesuar për të ndihmuar të mitur me probleme shëndetësore.

Për këtë arsye, këta persona vendosnin në dispozicion të shtetasve të interesuar, llogari bankare apo të dhëna shtetasish të cilët do të ishin përfitues të donacioneve, duke i tërhequr ato në institucione të ndryshme financiare.

Tërheqja e shtetasve të interesuar bëhej nëpërmjet profileve të rrjeteve sociale me të dhëna të rreme, por dhe dhënies së të dhënave të rreme për dërgimin e donacioneve, me qëllim që të mos gjendeshin në rast se organet ligjzbatuese do të viheshin në dijeni të këtij aktiviteti kriminal.

Këta shtetas, për një periudhë disamujore, kanë arritur të marrin qindra transaksione financiare nga shtetas shqiptarë ose jo, të cilët janë me banim në territorin e Shqipërisë, por dhe jashtë saj.

Në cilësinë e provës materiale u sekuestruan aparate celular, dokumente tërheqjesh monetare, etj.

Aktualisht po punohet me ritme të shpejta për zbardhjen e plotë të këtij aktiviteti kriminal, evidentimin dhe vendosjen përpara drejtësisë dhe të personave të tjerë të implikuar në këtë aktivitet në të gjithë territorin e Republikës së Shqipërisë.

U kryen veprimet procedurale përkatëse dhe materialet hetimore u dërguan në Prokurorinë Pranë Gjykatës së Shkallës së Parë Tiranë, për vazhdimin e veprimeve të mëtejshme hetimore dhe procedurale, për veprat penale “Mashtrimi kompjuterik” dhe “Falsifikimi kompjuterik”.

Njëkohësisht, Njësia për Hetimin e Kirmeve Kibernetike u bën thirrje të gjithë shtetasve që kanë dyshime të arsyeshme për funksionimin e skemave të tilla të na vënë në djeni në adresën e postës elektronike CC@asp.gov.al dhe në numrin e telefonit 0694155552, po ashtu dhe në aplikacionet e komunikimit si WhatsApp, Viber etj.


Të fundit

E rëndë/ Bombë në një shkollë për vajza, të paktën 40 të vrarë dhe dhjetëra të plagosur

Shpërthime të shumta në një shkollë në kryeqytetin e Afganistanit vranë të paktën 40 njerëz dhe plagosën dhjetëra të...

Lufta kundër Covid/ Deri tani 596.766 vaksinime në të gjithë vendin, vetëm sot 11.073 të vaksinuar

Ka shkuar në 596.766 numri total i vaksinimeve të kryera në vend që prej fillimisht të fushatës. Vetëm 24 orët e fundit janë kryer...

Mero Baze: Nëse procesi është realist, Fatmir Mediu shkon në burg dhe shkakton tërmet në familjen Berisha

Edi Rama ndjehet i fituar pasi do të vazhdojë qeverisjen. Lulëzim Basha ndjehet i fituar sepse do të vazhdojë të drejtojë Partinë Demokratike. Ilir...

Kryeministri Edi Rama uron besimtarët myslimanë për Natën e Kadrit

Kryeministri Edi Rama ka uruar sonte Natën e Kadrit për të gjithë besimtarët myslimanë. Një natë e shenjtë agjërimi, një natë që vlen sa një...

E ndjek nga pas dhe qëllon me breshëri/ Ky është momenti kur Koço Buzo vret gruan në Elbasan (Video)

Kanë dalë pamjet e vrasjes së rëndë në Elbasan, ku 58-vjeçari, Koço Buzo, ekzekutoi me kallashnikov bashkëshorten e tij Liljana Buzo, 54 vjeç, menjëherë...

Lajme të tjera

Web TV