Banorët e njësisë 10 në Tiranë do të mund të votojnë në zgjedhjet e 25 prillit në mënyrë elektronike.
Komisioni Qendror i Zgjedhjeve ka testuar sot pajisjen elektronike dhe sipas kreut të saj, Ilirjan Celibashi, votimi në këtë formë është shumë i thjeshtë.
Qytetarët do të paraqiten në qendrën e votimit me kartën e identitetit ose pasaportën ku do të bëhet verifikimi si në zgjedhjet e viteve të shkuara dhe më pas ata do të zgjedhin partinë dhe kandidatin në pajisjen elektronike.
Nëpërmjet këtyre pajisjeve, rezultati pritet të dalë brenda orës pas mbarimit të procesit të votimit.
