Themeluesi i Aleancës Kuq e Zi, Kreshnik Spahiu, me anë të një postimi në rrjetet sociale ka ironizuar opozitën, pasi thotë se në rast të dorëheqjes së Lulzim Bashës në 26 prill, alternativa më e re në moshë e opozitës mbetet Sali Berisha.
Spahiu shkruan se është gjynah që vdiq Nexhmije Hoxha 99 vjeç, pasi do të kishte qenë alternativë për kryetare opozite.
“Nëse Basha jep dorëheqje në 26 Prill, alternativa më e re në moshë e opozitës sërish mbetet 80 vjeçari Berisha.
O zot çfarë mjerimi për atë popull.
Imagjinoni të rikthehet në Amerikë Bush, në Rusi Boris Jelcin, në Angli Tonny Blair.
Të varfër në çdo aspekt. Gjynah që vdiq Nexhmija 99 vjeç se do ishte alternativë me këta injorant”, shkruan Spahiu.