Një 62-vjeçar shqiptar akuzohet nga autoritetet në Greqi se i ka hequr tubat e oksigjenit një pacienti grek, i cili ndodhej në intubim për shkak të gjendjes së rënduar prej Covid-19.
Pacienti grek 76 vjeç ka ndërruar jetë pasditen e djeshme, ndërkohë mediet në Greqi shkruajnë se shkak për vdekjen e tij ka qenë shkëputja e oksigjenit nga shqiptari, i cili ndodhej në të njëjtën dhomë më të, pasi edhe ky po kurohej ndaj Covid-19.
Sipas medieve greke raportohet se pacienti shqiptari nuk duronte dot zhurmën e krijuar nga respiratori, duke shtyrë që të ndërmarrë aktin e rëndë, pasi shqiptari ankohej vazhdimisht për zhurmën nga aparati i oksigjenit.
Ai ende nuk është arrestuar nga policia, pasi vazhdon të marrë trajtimin në spital ndaj Covid-19.
